«2022 шықәса жәабран азы ҳара ҳҟынтә иаҳәеит Урыстәылеи Украинеи реибашьра ҳҽалаагаларц. Қырҭтәыла иаҿагылаз, акрызҵазкәа аполитикатә интерес иҟан», — иҳәеит Қырҭтәыла аҧыза-министр Иракли Кобахиӡе Анталиа имҩаҧысуа Адипломатиатә формум аҿы ирҭаз азҵаара аҭак аныҟаиҵоз.

Апанельтә дискуссиа амодератор алидерцәа дразҵааит: «Иааркьаҿны ишәҳәар сҭахуп еиҧҟьарада зҽеиҭазкуа ари адунеиаҿ аусеицура ацхрааразы адипломатиа рольс инанагӡар иалшои?»

Ари азҵаара аҭак аныҟаиҵоз Коабахиӡе ишазгәеиҭаз ала, атәыла акәша-мыкәша аибашьра анцо, адипломатиа даараӡа иҧсыҽуп.

«Қырҭтәыла иамоу аҧышәа ҷыда иазҧхьагәаҭаны адипломатиа ҳалацәажәозар, раҧхьа иргыланы, аҭынчра аамҭеи аибашьра аамҭеи еилыхтәуп. Абарҭ апериодқәа зынӡаскгьы еиҧшым. Уажәы ҳара аибашьра аамҭа ҳҭагылоуп.  Ҳакәша-мыкәша еиуеиҧшым аимакқәа иҟоуп, ҳара иҳамоу аҧышәа ашьаҭала исҳәар сҭахуп  уажәазы адипломатиа шыҧсыҽу.  2022 шықәса жәабран азы ҳара ҳҟынтә иаҳәеит Урыстәылеи Украинеи реибашьра ҳҽалаагаларц. Жәабран анҵәамҭазгьы абри аҩызаҵәҟьа аҳәара ҳзықәдыргылеит.  Қырҭтәыла иаҿагылаз, акрызҵазкәа аполитикатә интерес иҟан. Ҳәарада,  абри аҩыза аҭагылазаашьаҿы адипломатиа алҵшәа ахылымҵит. Ҳара Қырҭтәыла амилаҭтә интересқәеи,  атәылаҿы аҭынчреи рыхьчаразы аинтенсивтә политикатә ақәҧара алагара ҳақәшәеит. Уи аполитикатә ақәҧаран  —  адипломатиа ацхыраара ада. Ҳара уажәгьы абри аҩыза апроблемақәа ҳамоуп. Ҳара егьырҭ атәылақәа рҟны адипломатиатә хархәагақәа рхархәара акәымкәа, аҭынчреи ҳмилаҭ рмышхәыбзазареи ҳазхәыцроуп», — иҳәеит аҧыза-министр.

Иара убас,  Кобахиӡе ишиҳәаз ала,  атәылақәа рацәа рҿы ақырҭуа дипломатцәа изакәызаалак апрактикатә усурада иаанхеит.

«Атәылақәа рацәа рҿы ақырҭуа дипломатцәа изакәызаалак апрактикатә усурада иаанхеит, избанзар, уажәтәи аетап азы арҭ атәылақәа аус рыцуразы алшара иҟам. Дара лассы-лассы аҿыҧныҳәа рарҭоит, ҳара аҭак ҟаҳҵоит аҭынчра ашьақәыргылара ҳазыҧшыроуп ҳәа. Аҭынчра анышьақәгылалак, адипломатиа аиааира агоит. Уажәазы аполитикатә интересқәа адипломатиа аасҭа иҳаракуп. Ҳара гәыкала агәра ҳгоит аполитикатә интересқәа рықәныҟәара акәымкәа, амилаҭтә интересқәа рыхьчаразы адипломатиа иаҳа еҕьу ахархәага шакәу. Убри аҟынтә, ҳара ачҳара аарҧшны, аҭынчратә аамҭа ҳазыҧшуп, убасҟан ауп адипломатиа амч анаиуа», — иҳәеит  Кобахиӡе.