«Германтәыла ацҳаражәҳәаҩ иааҧхьара адипломатиатә шьаҿоуп, избанзар, Қырҭтәыла аус зуа ацҳаражәҳәаҩ Венатәи аконвенциа апринципқәа еилеигоит», – иҳәеит Қырҭтәыла аҧыза-министр  Иракли Кобахиӡе Ҭелави, Германтәыла ацҳаражәҳәаҩ Қырҭтәыла Адәныҟатәи аусқәа рминистррахь иааҧхьара иазкны ажурналистцәа ирҭаз азҵаара аҭак аныҟаиҵоз.

Иракли Кобахиӡе иажәақәа рыла, Фишер арадикалтә оппозициа роуранагӡара далахәуп, ихьыҧшым аӡбаратә система аҽалагалара иҽазикит.

«Фишер илацәажәара иаҧсам ҳәа сгәы иаанагоит. Изинмчқәа рыҿҳәара анынҵәалак, иара ҳтәыла дықәҵуеит. Адәныҟатәи аусқәа рминистррашҟа иааҧхьара ҳалацәажәозар, уи адипломатиатә шьаҿоуп, избанзар, Қырҭтәыла аус зуа ацҳаражәҳәаҩ Венатәи аконвенциа апринципқәа  еилеигоит. Адәныҟатәи аусқәа рминистрра аҭаххар, иара ахала ари азҵааразы аилыркаарақәа ҟанаҵоит.  Ишәгәаласыршәар сҭахуп Фишер арадикалтә оппозициа роуранагӡара дшалахәу.  Иара ихьыҧшым аӡбаратә система аҽалагалара иҽазикит. Уаҳа илацәажәара сҭахым. Уи аинтерес аҵам», – иҳәеит  Иракли Кобахиӡе.