Қырҭтәыла амилаҭрацәа, адинрацәа тәылоуп, ари ҳазгәдууп. Қырҭтәыла анапхгара аԥсылмантә уаԥшь излалшо ала иадгылоит, ари адгылара наҟ-наҟгьы инагӡахоит, – иҳәеит Қырҭтәыла аҧыза-министр Иракли Кобахиӡе аҧсылмантә уаҧшь раҳаҭыр аҟынтә имҩаҧгаз ифтараҿ данықәгылоз.

Аиҳабыра рнапхгаҩы аҧсылманцәа Рамадан мызктәи ачгара ахыркәшара рыдныҳәаланы, анасыҧи, мышхәыбзазареи, ақәҿиарақәеи рзеиҕьеишьеит.

Ифтараҿ еизаз аҧсылмантә уаҧшь ахаҭарнакцәа рҿаҧхьа иқәгылеит Арелигиа азҵаарақәа рзы аҳәынҭқарратә агентра ахантәаҩы Заза Вашаҟмаӡеи, Мраҭашәаратә Қырҭтәыла амуфҭ Адам Шанҭаӡеи, Қырҭтәыла иқәынхо аҧсылманцәа ршеих Фаиг Набиеви, Мрагыларатә Қырҭтәыла амуфҭ Етибар Еминови.

Қырҭтәыла аҧыза-министр ихьӡала аҧсылмантә уаҧшьына аҳаҭыр аҟынтә имҩаҧгаз афтар рхы аладырхәит Аинаалареи атәылауаҩратә аиҟарареи азҵаарақәа рзы аҳәынҭқарратә министр Ҭеа Ахвледиании, Аҷара автономтә республика аиҳабыра рхантәаҩы Ҭорнике Рижваӡеи, агубернаторцәеи, адипкорпус ахаҭарнакцәеи.