«Америкеи ҳареи ҳстратегиатә партниорра аиҭашьақәыргылара ҳазыхиоуп, уи ҟаҳҵар ҳҭахуп   аҩ-ганк хырҳагара рзаазгаша аконкреттә амҩатә хсаала ашьаҭала. Ҳара дара рҟынтәгьы абри аҩызаҵәҟьа ашьаҿақәа ҳрызҧшуп», — иҳәеит Қырҭтәыла аҧыза-министр Иракли Кобахиӡе апарламентаҿ есышықәсатәи ажәаҳә ала данықәгылоз.

Кобахиӡе иажәақәа рыла, уажәааны иҟалаз аиҭакрақәа ҩ-ганктәи аизыҟазаашьақәа реиҭахәаҧшра иацхраауеит.

«Ҳәарада, Америкеи ҳареи ҳаизыҟазаашьақәа ҳара ҳзы зҵакы дуу ҧыжәарас иаанхоит. Ишыжәдыруа еиҧш, ҳара ари азҵаара иадҳәаланы аргама аҳәамҭа ҟаҳҵеит. Америкеи ҳареи ҳстратегиатә партниорра аиҭашьақәыргылара ҳазыхиоуп, уи ҟаҳҵар ҳҭахуп   аҩ-ганк хырҳагара рзаазгаша аконкреттә амҩатә хсаала ашьаҭала. Ҳара дара рҟынтәгьы абри аҩызаҵәҟьа ашьаҿақәа ҳрызҧшуп.

Адипломатиатә хаҭарнакрақәа рхырхарҭала акрызҵазкәа ашьаҿақәа ҟаҵоуп. Лымкаала, акрызҵазкәа шьаҿоуп Америкаҿ Қырҭтәыла ацҳаражәҳәаҩ иқәыргылара.  Уажәааны иҟалаз аиҭакрақәа ҩ-ганктәи аизыҟазаашьақәа реиҭахәаҧшра иацхраауеит ҳәа ҳгәы иаанагоит, Қырҭтәылеи Америкеи рстратегиатә партниорра еиҭашьақәгылап ҳәа ҳгәыҕуеит», — иҳәеит  Иракли Кобахиӡе.