2025 шықәса ахҧатәи аквартал адыррақәа рыла, иахьазы атәылаҿ аусурҭа рымоуп  1,4 миллионҩык раҟара. Аҕарра арбага аҭоурыхтә минимум аҟынӡа илаҟәит,  иахьазы ари арбага  9,4% иаҟароуп. Аҧыза-министр Иракли Кобахиӡе ари аҳәамҭа ҟаиҵеит  2026–2030 шықәсқәа рзы Қырҭтәылеи ЕАРи рыбжьара иҭышәынтәалоу аҿиаразы аусеицура иазку аиқәшаҳаҭра анапаҵаҩра ацеремониаҿы данықәгылоз.

Аҧыза-министр  иҳәамҭала,  аиҳабыра рпозициа еилкаауп,  дара аҿҳәарабжьаратә перспективаҿы  Қырҭтәыла ахашәала аҩаӡара ду змоу ҳәынҭқаррас иҟарҵар рҭахуп.

«Қырҭтәыла аиҳабыра рзы ахадаратә аҳасабтәқәа иреиуп аҕарра аиҵатәреи аусурҭала аиқәыршәара аизырҳареи.  2025 шықәса ахҧатәи аквартал адыррақәа рыла, иахьазы атәылаҿ аусурҭа рымоуп  1,4 миллионҩык раҟара. Аҕарра арбага аҭоурыхтә минимум аҟынӡа илаҟәит,  иахьазы ари арбага  9,4% иаҟароуп.  Апрогресс ду шыҟоугьы, Қырҭтәыла асоциал-економикатә аҿиара аусхәаҧштә аҿы ахадаратә ҵакы амоуп наҟ-наҟгьы аҕарреи аиҟарамреи реиҵатәра. Ари ахырхарҭала Қырҭтәыла аиҳабыра рпозициа еилкаауп,  ҳара Қырҭтәыла аҿҳәарабжьаратә перспективаҿы ахашәала аҩаӡара ду змоу ҳәынҭқаррас иҟаҳҵар ҳҭахуп. Иахьазы иҟоу арбагақәа рылагьы лабҿаба иубарҭоуп атәыла аҿиара апроцесс ииашаны ишымҩаҧысуа. Қырҭтәыла аеффективтә анапхгараҭаратә система шьақәгылеит, уи аекономикатә прогресси ажәлар рмышхәыбзазареи аиқәыршәара алшара ҳнаҭоит. Аха, абри ақәҿиара  ҳпринцип хада иабзоуроуп  — атәылаҿ аҭынчратә, иҭышәынтәалоу алагылазаара аиқәыршәара, абри ауп аекономикатә аҿиара шьаҭас иамоу», —  иҳәеит аҧыза-министр.