Иракли Кобахиӡе – Аихамҩатә цәаҳәа Бақәа-Қарҭ-Ҟарс Европеи Азиеи иаҳа еиднаҳәалоит, аглобалтә логистикатә аҳаҿы ҳрегион астратегиатә ҵакы азнарҳауеит
Аихамҩатә цәаҳәа Бақәа-Қарҭ-Ҟарс Европеи Азиеи иаҳа еиднаҳәалоит, адунеитә аглобалтә логистикатә аҳаҿы ҳрегион астратегиатә ҵакы азнарҳауеит, – иҳәеит Қырҭтәыла аҧыза-министр Иракли Кобахиӡе аихамҩатә цәаҳәа ҿыц Бақәа –Қарҭ–Ҟарс аартра аофициалтә церемониаҿы данықәгылоз.
Аиҳабыра рнапхгаҩы иҳәамҭала, ари амаршарут инагӡаны аусура ианалагалак, аихамҩа аидарамҩангара алшара азҳауеит шықәсыкала 5 тоннак рҟнынӡа, уи абзоурала, арегион атранзиттә потенциали Абжьаратә корридор аконкуренциалшареи акырӡа иазҳауеит.
«Аихамҩатә цәаҳәа ҿыц Бақәа –Қарҭ–Ҟарс аартра аофициалтә церемониа гәахәарала салахәып. Ари апроект аҭоурыхтә ҵакы амоуп. Уи Қырҭтәылеи, Азербаиџьани, Ҭырқәтәылеи рстратегиатә партниорреи қәҿиарала русеицуреи аганахьала иҿырҧшыгоуп.
Аихамҩатә цәаҳәа ҿыц Бақәа –Қарҭ–Ҟарс ақырҭуа цыҧҵәаха — арегионаҿ имҩаҧгоу идуӡӡоу аинфраструктуратә проектқәа иреиуп. 180 километр иаҟароу ари ацыҧҵәаха Марабдантә иалагоит, ҭырқәтәылатәи аҳәаанӡа инеиуеит. 153 километр еиҭашьақәыргылан, иара убас, ҳаамҭазтәи астандартқәа ирышьашәаланы 27 километр ацыҧҵәаха ҿыц иргылан.
Аихамҩатә цәаҳәа Бақәа-Қарҭ-Ҟарс Европеи Азиеи иаҳа еиднаҳәалоит, адунеитә аглобалтә логистикатә аҳаҿы ҳрегион астратегиатә ҵакы азнарҳауеит, – иҳәеит Иракли Кобахиӡе