Ҩажәеижәаба шықәса рыҩныҵҟала Аҳәынҭқарратә ахьчара  амаҵзура ҷыда ҳаамҭазтәи аинститут ҕәҕәас ишьақәгылеит, шәара шәпрофессионализми ауси  аҧсадгьыли рахь шәызгәыкреи абзоурала, аҳәынҭқарратә институтқәа шәарҭара аусура рылшоит, – иҳәеит Қырҭтәыла аҧыза-министр Иракли Кобахиӡе Аҳәынҭқарратә ахьчара амаҵзура ҷыда ашьаҭаркра амш инамаданы имҩаҧгаз ауснагӡатә аҿы данықәгылоз.

Аиҳабыра рнапхгаҩы, атәыла ахада Михаил Ҟавелашвилии апарламент ахантәаҩы Шьалуа Папуашвилии дрыцны, Аҳәынҭқарратә ахьчара амаҵзура ҷыда аиҳабы Анзор Чубиниӡеи амаҵзура ахатә аилазаареи рзанааҭтә амш рыдныҳәаланы, ишиҳәаз ала, дара русура аҳәынҭқарратә институтқәа ршәарҭадара аиқәыршәараҿы ароль ҷыда нанагӡоит.

„Шәара аҭыҧ дуқәа аанызкыло ачынуаа ршәарҭадара мацара акәымкәа, аҵакы ҷыда змоу аҳәынҭқарратә институтқәеи адипломатиатә миссиақәеи ршәарҭадарагьы шәыхьчоит. Шәара ҳҳәынҭқарра зықәгылоу аинститутқәа шәыхьчоит, ақырҭуа ҳәынҭқаррара ахаҭа – ҳсуверинитети, ҳконституциатә аиҿкаареи, ҳшәарҭадареи шәыхьчоит. Ҩажәеижәаба шықәса рыҩныҵҟала Аҳәынҭқарратә ахьчара  амаҵзура ҷыда ҳаамҭазтәи аинститут ҕәҕәас ишьақәгылеит. Амаҵзура злашьақәгылоу 13 аструктуратә акқәа  ашәарҭадара аспектқәа зегьы рыҵанакуеит. Аҳәынҭқарратә ахьчара амаҵзура ҷыда ҳшәарҭадара архитектураҿы еснагь ароль ду нанагӡоит, ари аганахьала ҷыдала далыскаар сҭахуп ҳаҭыр зқәу Анзор Чубиниӡе, иара ари аус аҿы алагала ду ҟаиҵеит.  Ҳара есымша лабҿаба иаабоит иара Аҳәынҭқарратә маҵзура ҷыда арҕәҕәара дшазҿлымҳау, уи ҳтәыла ашәарҭадара ишахәҭоу еиҧш ахьчаразы зда ҧсыхәа иҟам ҭагылазаашьоуп“, – иҳәеит аҧыза-министр, иара Анзор Ҷубиниӡе ҷыдала ҭабуп ҳәа иеиҳәеит.

Амаҵзура ашьаҭаркра амш инамаданы, атәыла ахада, азакәанреи азинтә аиҿкаареи рырҕәҕәара аус аҿы алагала ду азыҳәан, Аҳәынҭқарратә ахьчара амаҵзура ҷыда аиҳабы Анзор Чубиниӡе Ахьӡ-аҧша аорден ианеишьеит. Аҳәынҭқарратә анашьамҭа – „Арратә фырхаҵаразы“ амедаль ранашьан Григори Уридиеи Џьаба Гамџьашвилии, Ҭорнике Џьанелиӡеи, Зураб Дарбаиселии, Алеқсандр Қурдаӡеи. Иара убас, атәыла ахада, Илиа Шубиҭиӡеи, Леван Цецхлаӡеи, Иракли Наҭенаӡеи, Гьаргь Натраӡеи Аҳаҭыртә медаль ранеишьеит.