«Аҳәынҭқарра иахьахәҭоу аҭыҧаҿ игылоуп, аҭынчмҩала акәзаргьы, ҽакала акәзаргьы ахҳәара азин аӡәгьы инаҭом», — иҳәеит Қырҭтәыла аҧыза-министр Иракли Кобахиӡе Паата Бурҷулаӡеи Леван Хабеишвилии иҟарҵаз аҳәамҭақәа ирызкны ажурналистцәа ианиазҵаа.

Кобахиӡе  иҳәамҭала, абри зегьы аоппозициаа рхаҿсахьеи ргәалаҟазаареи аанарҧшуеит.

«Дара рыхьӡқәагьы иҳарҳәо рацәоуп  — арҭ ауаа ирҳәо ухшыҩ азушьҭыр ҟалома? Аоппозициаа даҽазнык рхаҿсахьа аадырҧшит. Акыршықәса ирылагӡаны аиҳабыра рыхҳәареи ареволиуциеи иалацәажәоит. Уи рзыҟаҵом, аха, уезгьы, абри зегьы рхаҿсахьеи ргәалаҟазаареи аанарҧшуеит. Атәым агентцәа роуп абас зхы мҩаҧызго. Ҳәарада,  аҳәынҭқарра иахьахәҭоу аҭыҧаҿ игылоуп, аҭынчмҩала акәзаргьы, ҽакала акәзаргьы ахҳәара азин аӡәгьы инаҭом. Ҳара ҳажәлар ажәа раҳҭеит аоппозициаа уи еиҧш алшара шраҳамҭо, ҳажәа наҳагӡеит,  наҟ-наҟгьы инаҳагӡоит», — иҳәеит аҧыза-министр.