Қырҭтәыла аҧыза-министр Иракли Кобахиӡе Адунеи аиҳабырақәа рсаммит ихы алаирхәоит. Асаммит мҩаҧысуеит жәабран 11-13 рзы  Дубаи ақалақь аҿы. 

Қырҭтәыла аиҳабыра рнапхгаҩы, жәабран 11 рзы, асаммит алахәылацәа рҿаҧхьа дықәгылоит. 

Аҧыза-министр Дубаиҟа ддәықәлеит аделегациа иманы. Аделегациа иалоуп актәи авице-аҧыза, аекономикеи иҭышәынтәалоу аҿиареи рзы аминистр Леван Давиҭашвилии, адәныҟатәи аусқәа рминистр Мака Боҷоришвилии, аиустициа аминистр Анри Оханашвилии, аиҳабыра радминистрациа аиҳабы Леван Жоржолиании. 

2025 шықәсатәи Адунеи аиҳабырақәа рсаммит атема хадоуп  „Наҟ-наҟтәи аиҳабырақәа рышьақәгылара“, ари аусмҩаҧгатә рхы аладырхәоит 6 нызқьҩык иреиҳаны. Жәларбжьаратәи аусеицура ацхраареи ауадаҩрақәа рҭыҧқәҵара иазку аиновациатә мҩақәеи иахьрылацәажәо асаммитаҿ еизоит адунеи зегьы аҟынтә еиуеиҧшым аусхкқәа рхаҭарнакцәа. Урҭ иреиуп аиҳабырақәа рнапхгаҩцәеи, жәларбжьаратәи аиҿкаарақәеи хазхаҭалатәи асектори рнапхгаҩцәеи, адунеи иреиҕьу аекспертцәеи.