Қырҭтәыла аҧыза-министр Иракли Кобахиӡе Абу-Даби абаҕәазақәа ргәыҧ агенералтә директор, акаҧдан Моҳамед Џьума Аль Шамиси диҧылеит.

Аиҧылараҿы Абжьаратә корридор атранспорт-логистикатә аҿиара аҵаки ари аганахьала Қарҭтәи ибоу абаҕәаза апроект иамоу аҵаки иалацәажәеит, ари апроект мҩаҧыргоит Аду-Даби абаҕәазақәа ргәыҧ аинвестициала.

Қарҭтәи ибоу абаҕәаза – ҳаамҭазтәи интермодалтә алогистикатә центруп, Баҭымтәии Ҧуҭтәии абаҕәазақәа рынагӡароуп, арҭ абаҕәазақәа рымаҵ ауеит, абаҕәазақәеи алогистикатә обиектқәеи рыбжьара аимадара еиқәнаршәоит.  Ишазгәаҭаз ала, Қарҭтәи ибоу абаҕәаза аусура иалагоит 2025 шықәсазы, уи, Абжьаратә корридорла Мраҭашәаратә Азиа ааглыхратә центрқәеи Мрагыларатә Европа ахархәаратә џьармыкьақәеи рыбжьара аимадара еиқәнаршәоит Қырҭтәылеи, Ҭырқәтәылеи, Азербаиџьани, Шәамахьтәылеи, Казахстани рымшынтә баҕәазақәеи, иара убас, ибоу  абаҕәазақәеи рхархәарала. Ибоу абаҕәаза Қарҭтәи жәларбжьаратәи аҳаирбаҕәаза 6 километрк рыла иацәыхараны, 283,000 m2 аҵакыраҿ ишьҭоуп.

Қарҭтәи ибоу абаҕәаза 60%-тәи ахәҭа Абу-Даби абаҕәазақәа ргәыҧ иатәуп, уи абри алогистикатә центр анапхгара азызуа апартниор хадоуп. Аилахәыра Қарҭтәи ибоу абаҕәаза апроект иаланаҵахьеит 16 миллион адоллар, ари аҧаратә аицҵалых азҳауеит апроект аҿиара апроцесс инақәыршәаны.

Аилахәыра агенералтә директор даниҧылоз, Иракли Кобахиӡе иаҵшьны иазгәеиҭеит Қырҭтәыла аиҳабыра Аду-Даби аинвестициатә еилахәыраҟны аусеицура арҭбаара ишазҿлымҳау, астратегиатә ҵакы змоу алогистикатәи атранспорттәи проектқәа рҿгьы.