Қырҭтәыла аҧыза-министр Иракли Кобахиӡе Ҭырқәтәылатәи ареспублика ахәаахәҭра аминистр Омер Болаҭ диҧылеит, иара Қырҭтәыла даҭааит Қырҭтәыла-Ҭырқәтәылатәи абизнесфорум аҽалархәразы.

Аиҧылараҿы иаҵшьны иазгәаҭан 2 тәылак рстратегиатә партниорра аҵакы. Иара убас, аганқәа рхаҭарнакцәа иаҵшьны иазгәарҭеит еиуеиҧшым аусхкқәа рҿы, урҭ рыбжьара аполитикатәи аекономикатәи хырхарҭалагьы, ҩ-ганктәи еизыҟазаашьақәа рҿиараҿы иҟоу адинамика бзиа.

Аиҧылара алахәылацәа арегионалтә ҵакы змоу азеиҧш проектқәеи, иара убас,  – ахәаахәҭратә аикәшара азҳара атенденциа бзиеи ирылацәажәеит.

Хшыҩзышьҭра ҷыда азун арегионаҿ аҭынчреи ашәарҭадареи арҕәҕәара  аҵакы. Аҧыза-министр даҽазнык ишьақәирҕәҕәеит Қырҭтәыла, адиалоги аусеицуреи рыла, Аахыҵ Кавказаҿ аҭынчреи аҭышәынтәалареи аиқәыршәара ацхраара ишазыхиоу.

Аиҳабыра рнапхгаҩы аҭырқәа делегациа алахәылацәа Абырфынтә мҩа 5-тәи афорумахь иааиҧхьеит. Ари афорум Қарҭ имҩаҧысуеит жьҭаара 22-23 рзы.

Аиҧылара рхы аладырхәит Қырҭтәыла аекономикеи иҭышәынтәалоу аҿиареи рминистр Мариам Қвривишвилии, афинансқәа рминистр Лаша   Хуцишвилии, аиҳабыра радминистрациа аиҳабы Леван Жоржолиании.