Америка аҳәынҭқарратә маӡаныҟәгаҩ иҳәамҭала,  Украина ала Херсон ахақәиҭтәра  даҽазнык ишьақәнарҕәҕәеит украинатәи аруааи ажәлари рфырхаҵара.

Ентони Блинкен ари аҳәамҭа ҟаиҵеит  Комбоџьа имҩаҧысуаз  Алада-Мрагыларатә Азиа атәылақәа рсаммит аҳәаақәа ирҭагӡаны украинатәи иколлега даниҧылоз.

Иара иажәақәа рыла, Херсон ахақәиҭтәрала лабҿаба иубарҭоуп Америкеи егьырҭ аҳәынҭқаррақәеи Украина иарҭо ацхыраара аҵакы ду шамоу.

Блинкен иҳәамҭала, Америкеи егьырҭ атәылақәеи, наҟ-наҟгьы, иахьынӡаҭаххо,  арратәи агуманитартәи ганахьала Украина иацхраауеит.

Америка аҳәынҭқарратә маӡаныҟәгаҩ урыстәылатәи арбџьармчқәа рыла Украина атәылауаҩратәи аенергетикатәи инфраструктура ақәхра анагӡара дақәыӡбит.

Украина адәныҟатәи аусқәа рминистр Дмитро Кулеба Баиден иадминистрациеи америкауааи  ҭабуп ҳәа реиҳәеит Украина иарҭо ацхырааразы. Иара ишиҳәаз ала, аиааира ааигәахеит, уи аҭынчра иазгәыку ажәларқәа зегьы риааирахоит.