«Ишәарҭам, еишьҭагылоу, иҟәышу аиасратә период еиқәҳаршәаанӡа Венесуела Америка анапхгара аҵаҟа иҟазаауеит», — иҳәеит Америка ахада Дональд Трамп.

«Убри аҟынтә, ари аус аӡәы иҽалеигалар ҳҭахым, аҵыхәтәантәи ашықәсқәа рзы иҟаз аҭагылазаашьа ҳазыхынҳәуам. Уажәшьҭа уа ҳаҟоуп. Убри аҟынтә, зыгәра ҳгаша иахәҭоу аиасратә период еиқәҳаршәаанӡа уа ҳаанхоит», — иҳәеит  Дональд Трамп.

Америка ахада иҳәамҭала, «Америкеи Венесуелеи русеицура абзоурала, венесуелатәи ажәлар  «ашәҭыкакаҷреи, ахьыҧшымреи, ашәарҭадареи» роуеит.

Трамп ишиҳәаз ала,  Мадуро «азакәандаратә диктаторуп», иара «аҧсҭазааразы ишәарҭоу анаркотикқәа рацәа» Америкаҟа анагаразы аҭак иҧхықәуп.

Иара убас, Дональд Трамп ишиҳәаз ала, иаҭаххар, Америка  «Венесуела аганахьала иаҳа зымҽхак дуу ажәылара амҩаҧгара иазыхиоуп».