Америка ахада Дональд Трамп  Politico иеиҭаз аинтервиу аҿы ишиҳәаз ала,  Европа ауаа ҧсыҽқәа ахагылоуп, иара ишазгәеиҭаз ала, ихәаҧшырақәа ирықәшаҳаҭу  европатәи аполитикатә кандидатцәа дрыдгылоит.

Америка ахада амиграциа азҵаарагьы далацәажәан, ишиҳәаз ала, Лондони Парижи акыршықәса рыҩныҵҟа Ааигәатә Мрагылареи Африкеи рҟынтә   «амиграциа ақәыҕәҕәара аҵаҟа агәынқьра иаҿуп».

Иара иажәақәа рыла, аҳәаатә политика рымҧсахыр, ҳәынҭқаррақәак анхаралшара рцәыӡуеит.

«Дара ҧсыҽуп ҳәа сгәы иаанагоит, иара убас, аполитикатә ганахьала ииашазар рҭахуп. Иҟарҵаша рыздырӡом ҳәа сгәы иаанагоит. Европа иҟанаҵаша аздыруам. Амигрантцәа шьҭахьҟа рырхынҳәра  еиҕьуп ҳәа сгәы иаанагоит. Ишыжәдыруа еиҧш,  сара Европа сиит,  уаатәи аҭагылазаашьа сгәы снархьуеит. Европа аилаҳара иаҿуп. Сара европаа рацәа бзиа ирымбо ауаа срыдгылоит. Сара Виктор Орбан сидгылан.

Европа сшазныҟәо еилышәкаароуп. Европа ҕәҕәазар сҭахуп. Сара Европа иадҳәаланы ахәаҧшырақәа сымам. Сара Америка иадҳәаланы ахәаҧшырақәа сымоуп – Америка аҳәынҭқарра дуӡӡас еиҭаҟаҵатәуп. Сара аблақәеи,  алымҳақәеи,  адырреи сымоуп. Адырра ду сымоуп. Иҟоу збоит. Сара аҳасабырбақәа соуеит,  шәара ахаангьы урҭ жәбом.    Европа иҟоу каамеҭуп ҳәа сгәы иаанагоит. Уи ҳара иаадыруа Европаз шәарҭоуп. Европа зынӡаскгьы даҽа ҭыҧны иҟалар ауеит», — иҳәеит  Дональд Трамп.