Аҩныҵҟатәи аусқәа рминистрра Акриминалтә полициа хада ахаҭарнакцәа, аоперативтә усмҩаҧгатәқәеи аусеилыргареи мҩаҧганы,  анаркоацәгьауразы 22ҩык ааныркылеит, урҭ рҟынтә 12ҩык анаркотикқәа рыҭиҩцәа роуп.

Аҩныҵҟатәи аусқәа рминистрра адыррала, иаанкылоу ауаа иреиуп Қырҭтәылеи, Беларуси, Украинеи, Иорданиеи, Ҭырқәтәылеи ртәылауаа.

Зыӡбахәы ҳәоу ацәгьауразы иазҧхьагәаҭоуп  20 шықәсанӡа ма аҧсранӡа аҭакра.

«Аполициа аусзуҩцәа, аӡбаҩ ишьақәыргылара ашьаҭала, иаанкылоу ахаҿқәа рҟынтә изныкымкәа анаркотикқәа аархәеит, иара убас, маӡала, аудио-видео нҵамҭақәа ҟарҵон.

Иаанкылоу ауаа рынхарҭақәа реимдараан, иара убас, дара иазгәарҭаз аҭыҧқәа рҿы, азинхьчаҩцәа иаадырҧшит еиуеиҧшым анаркотикқәа  рацәаны, –  «героини», «бупренорфини», «екстази», «субоксини», «метадони», «амфетамини», «мефедрони», «альфа-ПВПи»  «марихуанеи».

Аусеилыргара мҩаҧысуеит Қырҭтәыла Ашьауҕатә закәанеидкыла  260, 18-260, 19-260, 261, 18-273-прима, 19-273-прима,  273-прима ахәҭаҷқәа рыла», — иануп Аҩныҵҟатәи аусқәа рминистрра аинформациаҿы.