Апрокуратура – Иракли Ҕарибашвилии, Бера Иванишвилии, Анзор Чубиниӡеи    2011 шықәса ажьырныҳәа инаркны  2012 шықәса ажьырныҳәанӡа рҭелтә еицәажәарақәа иазыӡырҩуан
Апрокуратура – Иракли Ҕарибашвилии, Бера Иванишвилии, Анзор Чубиниӡеи    2011 шықәса ажьырныҳәа инаркны  2012 шықәса ажьырныҳәанӡа рҭелтә еицәажәарақәа иазыӡырҩуан

 

Қырҭтәыла апрокуратура ицәырнагеит 2021 шықәса хәажәкыразы иалагаз аусеилыргара абжьаратә алҵшәақәа. Ари аус ателеканал «ТВ Пирвели» аефир аҿы иоурыжьҭыз Иракли Ҕарибашвилии, Бера Иванишвилии, Анзор Чубиниӡеи    ҭелла реиҿцәажәара аан  маӡала иҟаҵаз  аудионҵамқәа ирызкуп.

Иахьа апрокуратураҿы имҩаҧгаз абрифинг аҿы ишырҳәаз ала, аудионҵамҭақәа рыргаматәра ашьҭахь, ажәлар агәаанагара рызцәырҵит анҵамҭаҿы ацәгьаура адыргақәа иҟоуп, аха азинхьчаратә органқәа ари аус иақәҿырҭуам ҳәа.

Иара убас, агәаанагара иҟан абарҭ аудиофаилқәа  2012 шықәса ашьҭахь иҟаҵан ҳәа, Иракли Ҕарибашвили министрс даныҟаз.  Аусеилыргара аан ишеилкаахаз ала,  Иракли  Ҕарибашвилии, Бера Иванишвилии,   Анзора Чубиниӡеи рҭелқәа иазыӡырҩуан  2011 шықәса ажьырныҳәа инаркны  2012 шықәса ажьырныҳәанӡа, Аконституциатә шәарҭадра адепартамент аиҳабы идҵала еиҿкааз, зусеилыргара иалагаз ашьауҕатә усқәа ирыдҳәаланы, Биӡина Иванишвили аоппозициатә политкиатә партиа аҧҵареи  2012 шықәсатәи апарламенттә алхрақәа рылахәызаареи  иазкны иааицҳаанӡа мышкы шагыз.

Апрокуратура аҳәамҭа ианақәыршәаны, ателееилахәыра  «ТВ Пирвели»  аусеилыргара азцәырнамгеит аудионҵамҭақәа аус здырулам аверсиа.

Апрокуратураҿы ишырҳәаз ала, аефир аҿы ицәыргаз анҵамҭақәа заанаҵы аус рыдулан. Аекспертиза аихшьаала инақәыршәаны, 6 марта 2021 шықәса хәажәкыра 6 рзы ателееилахәыра  «ТВ Пирвели» аҟынтә ироуз анҵамҭақәа зегьы рҿы амонтаж адыргақәа иҟоуп,  арҭ анҵамҭақәа аҧҵан аредакциа рзуны.