«Апрокуратура 2023 шықәса жәабран 21 рзы Самтредиа-Григолеҭи атрассаҿы ацҳа аилабгара аус иадҳәаланы хәҩык рзы ашьауҕатә ус хацнаркит. Арҭ ауаа рмаҵузуратә ҧхықәрақәа цәгьашақә рхархәареи,  адокументқәа рҧаршеиреи рхархәареи, аҧара рацәа аҕьычреи рхарарҵоит. Ианкылоу дреиуп Автомобилтә мҩақәа рдепартамент ахантәаҩы ҧасатәи ихаҭыҧуаҩ Леван Купаташвили», — ирҳәеит Қырҭтәыла апрокуратураҿ имҩаҧгаз абрифинг аҿы.

Аусеилыргараан ишеилкаахаз ала,  2018 шықәсазы Автомобилтә мҩақәа рзы адепартаменти аилахәыра  «Akkord»-и Самтредиеи Григолеҭии еимыздо амҩа 11,5 километр ацыҧҵәахаҿы аргыларатә усурақәа рымҩаҧгаразы аиқәшаҳаҭра рыбжьарҵеит.  Аусурақәа рынагӡашьа иахылаҧшыр акәын жәларбжьаратәи 4 еилахәырак рыла ишьақәгылаз аконсорциум, иара убас, есымша аҭыҧаҿ аусурақәа рымҩаҧгашьа агәаҭара иауалын Автомобилтә мҩақәа рзы адепартамент.

«Апроект анагӡараан аҭак зыҧхықәыз аекспертцәа рҟынтә аӡәгьы Қырҭтәыла дыҟамызт, фактла иуҳәозар, ацҳа аргылара апроцесс шымҩаҧысуаз аӡәгьы дацклаҧшуамызт.  Автомобилтә мҩақәа рзы адепартаментаҿ ари атәы рдыруан. Аха, уезгьы, усҟан, жәларбжьаратәи аилахәыра аексперт,  Қырҭтәыла дшыҟамызгьы, аусурақәа рынагӡара иазкны аргыларатә еилахәыра ахаҭарнакцәа еиқәдыршәоз  аҧаршеи актқәа шьақәирҕәҕәон.  Арҭ актқәа инапы рыҵеиҩуан Автомобилтә мҩақәа рзы адепартамент ахантәаҩы ихаҭыҧуаҩ Леван  Купаташвили.

Абас еиқәыршәаз аҧаршеи актқәа рышьаҭала, Леван Купаташвили, атәылаҿ иҟамыз жәларбжьаратәиа експерт, иара иҧхықәрақәа наигӡазашәа иҟаҵаны,  1 172 539 лари изишәеит, апроект назыгӡоз аргыларатә еилахәыра закәандарала  3 859 678 лари ахатәтәра алшеит. Инагӡамыз, ма иҽеимкәа инагӡаз аусурақәа рымшала, ацҳа еилаҳаит. Анеҩстәи аиҭашьақәыргыларатә усурақәа ирылаҵан 12 миллион лари. Инеизакны, аҳәынҭқарра 16 миллион лари еиҳаны азарал аиуит.

Апрокуратура ари ацәгьаура ҟазҵаз ауааҧсыра зегьы аҧкратә уснагӡатә аҳасабала аҭакрыа рықәҵара аҳәарала аӡбарҭа иадҵаалоит», — ирҳәеит Қырҭтәыла апрокуратуаҿ имҩаҧгаз абрифинг аҿы.