Азакәандаратә хашәала ду  алегализациа афакт азы даанкылоуп  Аҳәынҭқарратә шәарҭадара амаҵзура ҧасатәи анапхгаҩы Григол Лилуашвили идҳәалоу Коба Хундаӡе.

Апрокурор Џьарџьи Циклаури ари аҳәамҭа ҟаиҵеит Апрокуратура хадаҿы имҩаҧгаз абрифинг аҿы.

Апрокуратураҿы ишырҳәаз ала, Коба Хундаӡе азакәандаратә хашәала ду алегализациа ихарарҵоит, ари ацәгьауразы иазҧхьагәаҭоуп  9 шықәса инаркны  12 шықәсанӡа аҭакра.

«Ҳуааҧсыра ишырдыруа еиҧш, мышәқак раҧхьа  Қырҭтәыла Апрокуратура хадеи Аҳәынҭқарратә шәарҭадара амаҵзуреи  еицымҩаҧыргаз аусмҩаҧгатәқәа раан Қырҭтәыла ҧасатәи аҧыза-министр Иракли Ҕарибашвилии Аҳәынҭқарратә шәарҭадара амаҵзура ҧасатәи анапхгаҩы Григол Лилуашвили, ҧасатәи апрокурор хада Оҭар Ҧарцхалаӡеи, урҭ ирыдҳәалоу ауааҧсыра рыҩнқәа еимырдеит.

Аимдараан иаарҧшын аелектронтә хархәагақәеи, адокументқәеи, аҧара рацәеи», — ирҳәеит апрокуратураҿы.

Аҵыхәтәантәи амшқәа рзы даҽа 11 обиектқәа рҿы аимдара мҩаҧган.

Аҳәынҭқарратә шәарҭадара амаҵзура ҧасатәи анапхгаҩы Григол Лилуашвили идҳәалоу Коба Хундаӡе иҩны аимдараан азинхьчаҩцәа ирбеит аҧара зҭаз  94 аконвертқәа, инеизакны уаҟа иаарҧшын  1 319 300 адоллар.

Иара убас, ҧасатәи апрокурор хада Оҭар Ҧарцхалаӡе идҳәалоу Михаил Чохели абанкаҿ имоу асеифқәа реимдараан иаарҧшын 2 904 900 адоллар.

Аусеилыргара аан ишеилкаахаз ала, ахара зду ауаҩы  ацәгьауратә схема еиқәыршәаны, азакәандаратә хашәала ду алегализациа иҽазикит.

Зыӡбахәы ҳәоу асхема аҳәаақәа ирҭагӡаны, иара Қарҭ адгьылҭыҧқәа рацәа ааихәеит, иара убас, закәандарала иоуз ахашәала ихатә еилахәыра иалеиҵеит.

Коба Хундаӡеи иара итәыз аилахәыреи рыхьӡала ашәҟәы иҭагалан 30 обиектқәа, иара убас,  51 обиектқәа иара ишьаҭеикыз аргыларатә фирма аҧҟаҧҵатә капитал иалагалан. Убри адагьы, иҩны аимдараан иаарҧшын  1 319 300 адоллар.

Апрокуратура хада,  Коба Хундаӡе изы аҧкратә усмҩаҧгатә аҳасабала, ибаандаҩтәра иаҳәоит.