Апрокуратура закәандарала анаплакратә усуреи азакәандаратә хашәала алегализациеи афакт азы „Кристал гәыҧ“ аҧшәма изы ашьауҕатә ашьҭацалара иалагеит

Апрокуратура закәандарала анаплакратә усуреи азакәандаратә хашәала алегализациеи афакт азы „Кристал гәыҧ“ зтәу Владимир Стеҧаниан изы  ашьауҕатә ашьҭацалара иалагеит.

„Аусеилыргара аан ишеилкаахаз ала, аилахәыра  „Бакуриани абизнес гәыҧ“ аусура, бжеиҳарала,  Бакуриани аҳаблаҿ асасааирҭатә комплексқәа рыргылареи анеҩс рыҭиреи иазкын.

Ари анаплакы есымшатә аусура анапхгара азызуаз Владимир Стеҧаниан Бакуриани аҳаблаҿ аргыларақәа рплан хадеи, иара убас, иашьашәалоу аусбарҭақәа рҟынтә аргыларазы иоуз азин аҭагылазаашьақәеи еилеигон. Закәандарала ииргылоз анхарҭақәа, етапла иҭиуан.

Абас ала, аилахәыра  „Бакуриани абизнес гәыҧ“  закәандарала 1 894 925 лари ахашәала аиуит.

Иоуз ахашәала ду азакәантә сахьа аҭаразы, Стеҧаниан аҧара хәҭак аилахәыра  „Бакуриани абизнес гәыҧ“ абанктә хыҧхьаӡарашҟа ииеигеит, егьы ахәҭа ихаҭа  иган, анеҩс, иареи идҳәалаз ауааҧсыреи рыхьӡала иеиҭамҵуа амал ааихәеит.

Аусеилыргара мҩаҧысуеит закәандарала анаплакратә усуреи азакәандаратә хашәала алегализациеи афакт азы. Ари ацәгьауразы иазҧхьагәаҭоуп 12 шықәсанӡа аҭакра.

Апрокуратура, азакәан ала ишьақәыргылоу аҿҳәара иалагӡаны, Стеҧаниан изы аҧкратә усмҩаҧгатә аҳасабала абаандаҩтәра иқәҵара аҳәарала аӡбарҭа иадҵаалоит“, – иануп апрокуратура аинформациаҿы.