Қырҭтәыла аҧыза-министр Иракли Кобахиӡе Русҭавтәи Азот аинвестортә корпорациа „Индорама“ зтәу Амит Лоҳиа диҧылеит.

Аиҧылараҿы аганқәа рхаҭарнакцәа зыӡбахәы ҳәоу акорпорациа Қырҭтәыла имҩаҧнагаз аинвестициа дуқәеи, аминералтә рҵәырақәеи, аиндустриатә химикатқәеи ҭзыжьуа идуу ахимиатә зауад – Русҭавтәи Азот аҿы имҩаҧыргараны иҟоу аиҭакрақәеи ирылацәажәеит.

Амит Лоҳиа Қырҭтәыла аиҳабыра адгылара ҕәҕәа азыҳәан ҭабуп ҳәа раҳәаны, иаҵшьны иазгәеиҭеит атәылаҿы аинвестициатә лагылазаара шыманшәалоу.

Аиҳабыра рнапхгаҩы ишиҳәаз ала, Қырҭтәыла аиҳабыра, ирылшо ала, атәылаҿы ишиашоу аинвестициақәа рымҩаҧгара иацхраауеит, уи аекономикатә азҳареи аусуратә ҭыҧқәа раҧҵареи ианыҧшуеит.

Адунеи идуӡӡоу акорпорациақәа иреиу „Индорама“ аҿы еилоуп аминералтә рҵәырақәеи, аиндустриатә химикатқәеи, еиуеиҧшым ахимиатә аалыҵ ҭзыжьуа  анаплакқәа. Ари акорпорациа адунеи 40 раҟара аҳәынҭқаррақәа рҿы 160 иреиҳаны азауадқәа амоуп,  уаҟа аус руеит  45 000-ҩык иреиҳаны.

Аиҧылара рхы аладырхәит Қырҭтәыла аекономикеи иҭышәынтәалоу аҿиареи рминистр Мариам Қвривишвилии, аиҳабыра радминистрациа аиҳабы Леван Жоржолиании, Русҭавтәи Азот ахылаҧшратә хеилак адиректор Пракаш Кеџьривали Русҭавтәи Азот ахылаҧшратә хеилак алахәыла Ефрем Урумашвилии.