Агәабзиарахьчара аминистрра Қырҭтәыла атәымуаа русура  аҧҟара иадҳәаланы аилыркаарақәа ҟанаҵеит.

Аминистрра адыррақәа рыла «Аџьаустә миграциа иазку» азакәан иалагалоу аҧсахрақәа амч роуеит  2026 шықәса хәажәкыра 1 инаркны.

Аҧсахрақәа инрықәыршәаны, атәымуаа Қырҭәтыла аусура азин роуеит иашьашәалоу арегулиациақәа мацара рышьаҭала. Атәым ҳәынҭқарра атәылауаҩ закәанла аусурҭа аиуреи аусуреи илшарц азыҳәан, иара  «аусура азин» иоуроуп.

Арзаҳал алаҵараан амигрант иарбанзаалак анхара азин имамзар,  «аусура азин» аниоулак, иара хымҧада  D1 акатегориа иаҵанакуа аиммиграциатә виза/ма аџьаустә анхара азин игароуп.

Атәымуаа  «аусура азин» рнаҭоит  «Аусурҭала аиқәыршәара ацхраара аҳәынҭқарратә агентра». Ари апроцесс аелектронтә харәхагала имҩаҧысуеит, арегистрациатә портал аусура иалагоит хәажәкыра 1 инаркны. Азин аиура апроцесс ахәҧса акәуп, ахәҧса ҳәаақәҵоуп арзаҳал ахәаҧшра аҿҳәарала:

• астандарттә ахәаҧшра  (30 мшы) — 200 лари;

• ирласны ахәаҧшра  (10 аусуратә мшы) — 400 лари.

Азакәан инақәыршәаны, азин аиура ахәҧса ишәоит аусурҭала аиқәыршәаҩ. Атәымуаҩ аусура азин иоуеит шықәсык аҿҳәарала.

 «Аџьаустә миграциа иазку» азакәан аилагаразы,  аусуҩгьы аусураҭаҩгьы ахараҧса ашәара рықәшәоит.

Арегулиациа ҿыцқәа Евроеидгыла астандартқәа ирышьашәалоуп. Арҭ арегулиациақәа инрықәырәшаны, атәымуаа Қырҭтәыла аусурҭа роуеит аџьаустә џьармыкьа аҳәарақәа инрықәырәшаны, аҭыҧантәи аусуратә мчы ҧырхагак рзаамгакәа.