Ҭырқәтәыла апрезиденттәи апарламенттәи алхрақәа аҵыхәтәантәи алҵшәақәа еилкаахоит лаҵара 19 рзы
Ҭырқәтәыла апрезиденттәи апарламенттәи алхрақәа аҵыхәтәантәи алҵшәақәа еилкаахоит лаҵара 19 рзы

Ҭырқәтәыла апрезиденттәи апарламенттәи алхрақәа аҵыхәтәантәи алҵшәақәа еилкаахоит лаҵара 19 рзы. Аҭырқәа аҳәынҭқарратә агентра «Анадолу» аинформациала, алхырҭақәа  98% иҧхьаӡоуп.

Заанаҵтәи адыррақәа рыла, алхрақәа рҿы аҧхьагылара имоуп атәыла уажәтәи ахада Реџьеп Таип Ердоҕан, иара  49,76% абжьқәа иоуит, аха, Ердоҕан идуӡӡоу ақалақьқәа рҿы – Анкареи, Измири, Сҭампыли даҵахеит.

Аоппозициатә ф-партиак ркандидат  Кемал Кылычдар-оҕлу  –  44,49 % иоуит, иара идгылеит 2 миллионҩык иреиҳаны атәылауаа.

Ҭырқәтәыла абжьқәа рыҧхьаӡара апроцесс инагӡоит. Лаҵара  16-нӡа апартиақәа алҵшәақәа ирзашшыр рылшоит. Алхрақәа аҵыхәтәантәи алҵшәақәа цәыргазароуп лаҵара  19 рзы. Уажәтәи алҵшәақәа иаанхар, лаҵара 28 рзы атәылаҿы апрезиденттә алхарақәа аҩбатәи атур мҩаҧысуеит.