«Михаил Саакашвили амлакра даҟәыҵыр, абри ақәҧараҿы даараӡа дҳацхраауан, уажәы зеиҧшҟамлац ала ҳаидгылароуп, избанзар Урыстәыла – Қырҭтәылатәи еибашьра инагӡоит», —  илҳәеит апартиа  «Азакәани аиашареи » алидер Ҭако Чарквиани Саакашвили дылбарцаз русҭавтәи абахҭашҟа дандәықәлоз.

Лара лажәақәа рыла, абри ақәҧараҿы Саакашвили  иҧсы ҭаны атәыла даҭахуп.

«Абри апроцесс даараӡа иуадаҩуп. Зыӡбахәы ҳәоу аполитикатә шьаҿала иара аус ду ҟаиҵеит. Атәылашҟа иаара аполитикатә акт дууп. Абри азҵаареи анеҩстәи ҳстратегиеи иадҳәаланы сиацәажәар сҭахуп. Алидер иаҳасабала, иара ихаҭагьы иҟаиҵаша идыруеит, аха, уажәы ҳазлаго ақәҧараҿы иара игәабзиареи иҧсҭазаареи аҵакы ду амоуп. Иахьа Урыстәыла – Қырҭтәылатәи аибашьра мҩаҧысуеит, абри аибашьраҿы Михаил Саакашвили  иҧсы ҭаны даҳҭахуп», — илҳәеит Чарквиани.