Վրաստանի Առաջին համալսարանային կլինիկայում հղի կնոջ մոտ հաստատվել է կորոնավիրուս, 7 նորածնի դեպքում պատասխանը եղել է բացասական

12:37, 03.05.2020

Երեկ, առաջին համալսարանային կլինիկա է տեղափոխվել կասկածելի ախտանշաններով երկու հղի կին, նրանցից մեկի մոտ ախտորոշվել է կորոնավիրուս:

Կլինիկայի տնօրեն Լևան Ռատիանիի հայտարարությամբ, այժմ սպասում են երկրորդ հղի կնոջ թեստի պատասխանին:

«Երեկ մեզ մոտ են տեղափոխել երկու հղի կին, նրանցից մեկի մոտ ախտորոշվել է կորոնավիրուս, մյուսի պատասխանը դեռևս հայտնի չէ»,- հայտարարել է Ռատիանին:

Նրա փոխանցմամբ, կլինիկա է տեղափոխվել նաև կասկածելի ախտանշաններով նորածին:

«Նորածնի կենսաբանական նմուշն ուղարկվել է Լուգարի լաբորատորիա, սպասում ենք պատասխանին»,- նշել է Ռատիանին և հավելել, որ երեկ կորոնավիրուսի թեստ է անցել ևս 7 նորածին, սակայն նրանց մոտ կորոնավիրուս չի ախտորոշվել:

Հեղինակ - Anna Badalian

COVID-19

Հասարակական

Կորոնավիրուս