Адунеиаҿ агеополитикатә аиҭакра дуқәа анымҩаҧысуа аамҭазы, жәларбжьаратәи аҳақәак Қырҭтәыла аҩныҵҟатәи аусқәа рҽалагалара нарыгӡоит, дара ҳтәылаҿ аилаҩынтәра аиҿкаареи алегитимтә еиҳабыра рыхҳәареи рҽазыркит, Маккеин иинститут ахаҭарнак Лора Ҭорнтон лстатиа уи ибзиаӡаны аанарҧшуеит, – иҩит  Қырҭтәыла апарламент ахантәаҩы Шьалуа Папуашвили асоциалтә аҳаҿы.

Иара иажәақәа рыла, Лора Ҭорнтон мчыла аиҳабыра рыҧсахразы ааҧхьара ҟалҵоит, ҳуааҧсыра реиҳара рзы анырҵәара символс иҟалаз Маидан далацәажәоит.

„Ҭорнтон еиқәлыршәаз  «арбгара аинструкциа»  — атәыла анапхгара рыхҳәара аидеологиа ауп. Уи аҧҵаҩцәа, Украина ишаҳбаз еиԥш, гәацԥыҳәарала ауаажәларрақәа иқәырхуеит, ауаа рыԥсҭазаара ԥсаҭатәыс иҟарҵоит, нас, рҽырҵәахуеит“,- иҩит Шьалуа Папуашвили асоциалтә аҳаҿы.

„Маккеин иинститут“ аглобалтә демократиа апрограммақәа рдиректор, Қырҭтәыла иҟаз  NDI аофис ҧасатәи анапхгаҩы Лора Ҭорнтон лхатә шәҟәы аҟны иазгәалҭеит: „Аҟьамсар амгареи, абанк аусзуҩцәа рзабастовкеи, аидаратә машьынақәа рныҟәцаҩцәа аҩны раанхареи аекономика иашьхынҧсылон,    „Ақырҭуа гәахәтәы“ рықәыҕәҕәара иаҳа иарҕәҕәон“.