Қырҭтәыла апарламент ахантәаҩы аҵыхәтәантәи  20 шықәса рыҩныҵҟа Китаитәи жәлартә республикаҿы раҧхьатәи авизит мҩаҧигоит, убри аҟынтә, ари авизит аҭоурыхтә ҵакы амоуп, атәылақәа реизыҟазаашьақәа рыҩаӡара ҳаракы аанарҧшуеит, – иҳәеит Қырҭтәыла апарламент ахантәаҩы Шьалуа Папуашвили Китаи ақырҭуа журналистцәа данырҧылоз.

Иара иажәақәа рыла, Китаии Қырҭтәылеи рыбжьара астратегиатә партиниорра шьақәгылеижьҭеи шықәсқәак ҵуеит, атәылақәа рыбжьара авизадатә режими зхы иақәиҭу ахәаахәҭра иазку аиқәшаҳаҭреи иҟоуп, абри зегьы ауааҧсырагьы атәылақәа реизыҟазаашьақәагьы ирныҧшуеит.

„Ҳтәылақәа рыбжьара ахәаахәҭреи, атуризми, ишиашо аҧыррақәеи  азҳаит, уи абзоурала, ҳтәыла, ажәларқәа реизыҟазаашьақәа рганахьалагьы атуризм аҿиара аганахьалагьы иаҳа еиҕьу арбагақәа аиуеит. Ари авизит аҳәаақәа ирҭагӡаны, сколлега, Китаи апарламент ахантәаҩы сиҧылеит. Иара убас, аполитикатә аӡбарақәа рыдкыларазы анырра ду змоу ахаҿқәа сырҧылеит. Ҳара адунеиаҿ иҟоу апроблемақәеи, ашәарҭадареи, жәларбжьаратәи азин апринципқәа реилагареи ҳалацәажәеит. Лабҿаба иубарҭоуп Китаи анапхгареи ҳареи ҳпозициақәа шеиҧшу  – атәылақәа зегьы жәларбжьаратәи аиашара пату ақәырҵароуп, ҭынч аицынхара апринцип ахадаратә ҵакы амазароуп“,- иҳәеит Папуашвили.