«Ишәыдысныҳәалоит Қырҭтәыла Ахьыҧшымра амш! Ари амш ҳмилаҭтә гәазыҳәареи, ахақәиаҭра абзиабареи, аҭакҧхықәреи  иасимволуп», — иҳәеит Қырҭтәыла апарламент ахантәаҩы Шьалуа Папуашвили Қырҭтәыла Ахьыҧымра амш инамаданы имҩаҧгаз аусмҩаҧгатә аҿы данықәгылоз.

Апарламент ахантәаҩы иҳәамҭала, иахьатәи аныҳәа аҵакы ҷыда амоуп, избанзар, сынтәа Қырҭтәыла ақьырсианра аҳәынҭқарратә религиас алаҳәыра инаркны  1700 шықәса аҵра азгәарҭоит.

« Қырҭтәыла аҭоурыхаҿ ақырҭуаа ахьыҧшымра ианазымқәҧоз аамҭак иҟамызт, ари ақәҧара абирарак рҟынтә даҽа абиҧарак рахь ииасуан. Иахьатәи аныҳәа аҵакы ҷыда амоуп, избанзар, сынтәа Қырҭтәыла ақьырсианра аҳәынҭқарратә религиас алаҳәыра инаркны  1700 шықәса аҵра азгәаҳҭоит. Ари арыцхә даҽазнык иҳгәаланаршәоит 17  ашәышықәса ирылагӡаны ақырҭуа ҳәынҭқарреи Қырҭтәыла ауахәамеи еидгыланы, ҳмилаҭ еиқәзырхаз адоуҳатәи амилаҭтәи ашьаҭа шаҧырҵоз. Ҳара 3 ҭынхак роуп ҳаиқәзырхаз  — Аҧсадгьыл бзиа абареи, атрадициақәа рыхьчареи, адинхаҵара аҕәҕәареи, абарҭ апринципқәа рыхьчаҩцәа хадас иҳамоуп 2 институциак  — ақырҭуа ҳәынҭқарреи Ақырҭуа уахәамеи. Урҭ реиҟәшара ҟалом, урҭ рҭоурых хаз-хазы иузеиҭаҳәом. Ҩышә шықәса раҧхьа абарҭ 2 шьаҟак ҳамырхит,  “ахьтәы даҷла” ҳҽаҳәаны,  адинхаҵара ҳамырхыр рҭахын. Убри аамҭа инаркны ҳхьыҧшымра ҳазықәҧоит, ари ақәҧара макьана ихыркәшам», — иҳәеит  Шьалва Папуашвили.