Европарламентаҿ европатәи аҷыдаҟазшьара аҵакы ду аназшьо амчқәа рыбжьы иаҳа-иаҳа иуаҳауеит, уи аҵакы ду амоуп, аха, Евроеидгыла ииасхьоу аамҭа лашьцахь изырхынҳәуа арегрессиатә мчқәа макьана амч рымоуп, – иҳәеит Қырҭтәыла апарламент ахантәаҩы Шьалуа Папуашвили.

Шьалуа Папуашвили иҳәамҭала, иацы Европарламентаҿ имҩаҧгаз адебатқәа раан уи лабҿаба иубарҭан.

„Иацы ҳара уи лабҿаба иаабеит. Иахьа Европатәи абиурократцәа Евроеидгыла ацивилизациатә еиҟәҟьаранӡа инаргеит. Европа ацивилизациатә еиҟәҟьара иаанаго аӡәыр интересс имазар,  Европарламент иацтәи аилатәара дахәаҧшааит. Ҳара Европа ҧасатәи аамҭа лашьца иадҳәалоу апринципқәа зегьы ркомбинациа ҳбеит. Ацәымҕра, аҧагьареи аҧыжәареи раарҧшра, иацы абри зегьы ҳбеит. Амцҳәара, апропаганда, адезинформациа уҳәа, абри зегьы Европарламент атрибунантә иҳаҳаит“, – иҳәеит Шьалуа Папуашаивли.

Шьалуа Папуашвили иҳәамҭала, Евроеидгыла атәылауааи, иара убас, европатәи апринципқәа ирызгәыку ақырҭуа жәлари реиҧшҵәҟьа, иаргьы  Евроеидгыла аинститутқәа игәы рыхшәеит.