Абри аҩыза Ассамблеиа ду Естониеи, Украинеи, егьырҭ аполитикатә гәыҧқәеи  рҳәатәы иақәныҟәозар, Қырҭтәылеи ақырҭуа жәлари ирҧырхагоу арезолиуциақәа аднакылозар, ари Ассамблеиа ахатә аҵакы ацәыӡит, – иҳәеит Қырҭтәыла апарламент ахантәаҩы Шьалуа Папуашвили.

Папуашвили Европа Ахеилак Апарламенттә Ассамблеи арезолиуциақәеи иахьа Ассамблеиаҿы имҩаҧысраны иҟоу адебатқәеи ирызкны иазҵааит.

«Аилазаара хада Европарламентаҿ иҟоу аилазаара еиҧшуп. Уаҟа Евроеидгыла иалоу атәылақәа  аиҳара рымоуп,  аполитикатә анырра рымоуп. Дара ирыдыркыло арезолиуциақәа рҿы уамашәа иубаша акгьы иҟам.  Хаҿқәак роуп иаабо  — алитовцәа, естонцәа, украинцәа, дара ҧасагьы Европа Ахеилак аҿы ақырҭуа жәлар ирҿагыланы амеханизмқәа зегьы рхы иадырхәон.  2022 шықәсазы Ассамблеиа иаднакылаз арезолиуциаҿы Михаил Саакашвили аполитбаандаҩыс дазхарҵеит,  иара ихақәиҭтәра иаҳәон. Абарҭ арезолиуциақәа рышьҭахь ҳазлацәажәараны иҟои? Абри аҩыза Ассамблеиа ду Естониеи, Украинеи, егьырҭ аполитикатә гәыҧқәеи  рҳәатәы иақәныҟәозар, Қырҭтәылеи ақырҭуа жәлари ирҧырхагоу арезолиуциақәа аднакылозар, ари Ассамблеиа ахатә аҵакы ацәыӡит. Дара-дара еиҿцәажәааит, избанзар, дара аинклиузивтә диалог рҭахым. Дара адиалог акәымкәа, акритика аҟаҵара шырҭаху ҳбоит. Ари атенденциа ҿыцуп, гәыҧҩык активистцәа егьырҭ рнапала, украинатәи ашьа ахарџьла  рхатә шәарҭадара рыхьчар рҭахуп. Убри аҟынтә, арҭ ауаа акритика ҳзыруазар, амҩа иаша ҳануп ҳәа иуҳәаратәы иҟоуп», — иҳәеит Папуашвили.