«Апарламенттә канал ҿыц аҧҵарала ҳара ақырҭуа демократиазы зҵакы дуу аинициатива анагӡара ҳалагоит, сара уи даараӡа сеигәырҕьоит», — иҳәеит апарламент ахантәаҩы Шьалуа Папуашвили Қырҭтәыла апарламенти Ауаажәларратә дырраҭареи аусеицура амеморандум анрыбжьарҵоз.

Иара иажәақәа рыла, адемократиатә уаажәларра аинформациа иаша аиура аҳауеиҧш ирҭахуп.

Шьалуа  Папуашвили иажәақәа рыла, иахьа Қырҭтәыла амедиа-қәыҧшылара зеиҧшҟамлац ала ахы иақәиҭуп, аха, адемократиатә ҳәынҭқарраҿы ажәа ахақәиҭра астандартқәа еиҧҟьарада ишьҭыҵуазароуп.

«Қырҭтәыла апарламент, ахатә аартызаарала,  адунеи азакәанҧҵаратә органқәа рыбжьара  аҧхьагылара змоу апарламенттқәа иреиуп.  Иахьа, апарламенттә канал аартрала, апарламент аусуразы ахылаҧшра иаҳа иҕәҕәахоит. Аполитика интересс измоу ҳтәылауаа ҳпарламенттә ҧсҭазаара зеиҧшроу еилыркаар рылшоит.

Аканал ҿыц аполиаризациа армаҷра иацхраап ҳәа сгәыҕуеит, избанзар, ҳуааҧсыра, аполитикатә интерпретациақәа ирзымӡырҩкәа, Қырҭтәыла апарламент иалоу аполитикатә мчқәа ражәақәеи рхымҩаҧгашьеи рыблала ирбар рылшоит.

Ауаажәларратә дырраҭареи Ахылаҧшратә хеилаки ҭабуп ҳәа расҳәар сҭахуп ақәҿиара ду зхылҵуа аусеицуразы. Иахьа инаркны, аефираҿы иҭыҵуеит «Қырҭтәыла апарламент аканал» , — иҳәеит  Шьалуа  Папуашвили.