«Аҵыхәтәантәи аамҭазы адонорцәақәак рҟынтә изныкымкәа иҳаҳаит аҳәаанырцәтәи афинансыркра хәҭак аиҳабыра рхы иадырхәоушәа», — иҩит Қырҭтәыла апарламент ахантәаҩы Шьалуа Папуашвили.

Папуашвили иҳамҭала, абиуџьет иалаҵоу агрант цыҧхьаӡа аиҳабыра рзы акәымкәа, ауааҧсыра рзы рхы иадырхәоит.

«Аҵыхәтәантәи аамҭазы адонорцәақәак рҟынтә изныкымкәа иҳаҳаит аҳәаанырцәтәи афинансыркра хәҭак аиҳабыра рхы иадырхәоушәа. Сара 2 мзызк рымшала адонорцәа ари атема алацәажәара рыбжьазгом, лымкаала:

абиуџьет иалаҵоу агрант цыҧхьаӡа аиҳабыра рзы акәымкәа, ауааҧсыра рзы рхы иадырхәоит. Арҭ адонорцәа рхарџьқәа иреиҧшымкәа, абиуџьет иалаҵоу ҭеҭри цыҧхьаӡа аныхра иазку аинформациа аартуп  (ишәгәлаҳаршәар ҳҭахуп  абиуџьет аартызаара аганахьала Қырҭтәыла адунеиаҿ актәи аҭыҧ шааннакыло); насгьы, зегьы реиҳа ихадоу,  адонорцәа, рбиуџьет абжеиҳара, уи иахьынтәаауа атәыла азырхынҳәра ируалуп. Убри аҟынтә, адонор аиҳабыра аҧара рзоуишьҭызшәа аниҳәо, иара итәылашҟа шаҟа аҧара ирхынҳәызгьы иҳәароуп», — иҩит  Папушвили.