«Зураб Џьаҧариӡе иус аполитикатә ҟазшьа амоуп, уи аоппозициатә лидерцәа рзы ишиашо аполитикатә жәылара иадыргоуп», — илҳәеит Қырҭтәыла ҧасатәи ахада Саломе Зурабишвили Зураб Џьаҧариӡе ибаандаҩтәра даналацәажәоз.

Саломе Зурабишвили лҳәамҭала, ари ақәҵара изакәызаалак ак ала азакәан иадҳәалам.

«Ганкахьала, ҳара акгьы рхарамкәа абахҭа иҭаку ауаажәларратә активистцәеи ауаажәларратә усзуҩцәеи  ҳамоуп, уажәшьҭа анеҩстәи аетап иалагеит, ари апроцесс аполитикатә лидерцәа ирыдкьыслоит.  Аусеилыргаратә комиссиа ҧасатәи арежим иҟарҵаз ацәгьаурақәа реилыргара акәӡам изызку, ари акомиссиа еиҿыркааит дара ирҧырхагоу аполитикатә лидерцәа рҭакразы.  «Ақырҭуа гәахәтәы» ахьымӡҕ ргеит, аҧсыҽра аадырҧшит.  Абри аҩыза аҭагылазаашьаҿы иҟоу, абри аҩыза арепрессиақәа мҩаҧызго иарбанзаалак арежим хымҧада иаҵахоит.  Аиашаз, ҳара ачҳара  ҳамазароуп, аха, цқьа еилаҳкаароуп иахьа «Ақырҭуа гәахәтәы» аӡбақәҵа шаиуз, — илҳәеит  Саломе Зурабишвили.