Қырҭтәыла ахада Саломе Зурабишвили  адәныҟатәи аусқәа рминистр ҿыц Илиа Дарчиашвили диҧылеит атәыла адәныҟатәи аполитика аҧыжәарақәа ирызкны диацәажәарц азыҳәан.

Ари аинформациа аланарҵәеит атәыла ахада лпресс-маҵзура.

Аиҧылараан излацәажәаз азҵаарақәа иреиуп Қырҭтәыла евроинтеграциа ирласу апроцесси  Евроеидгыла аларазы акандидат астатус аиуразы атәыла иарҭаз азҵаабҕьыци.

«Иара убас, аиҧылараҿы зыӡбахәы ҳәоу азҵаара иадҳәаланы аҳәынҭқарратә усбарҭақәа рыбжьара акоордиациагьы иазааҭгылеит. Адәныҟатәи аусқәа рминистр  атәыла ахада илзеиҭеиҳәеит уажәааны имҩаҧигаз авизитқәа ирызкны.  Иара убас, аиҧылараҿы иазааҭгылеит Қырҭтыла ахада линициативала лаҵарамзазы имҩаҧысраны иҟоу Аҳәса-алидерцәа жәларбжьаратәи рконференциа, уи рхы аладырхәоит аполитикеи, аекономикеи, акультуреи аусхкқәа рҿы аҳәса-алидерцәа», — иануп аинформациаҿы.