Адипломатиатә корпус ахаҭарнакцәа срыҳәеит иахьа уажәраанӡагьы ирыдыркылараны иҟаз аӡбара рыдыркыларц,  аҿыц алхрақәа рымҩаҧгара рыӡбарц, – илҳәеит Қырҭтәыла ахада Саломе Зурабишвили.

„Иахьа сара адипломатиатә корпус аасыҧхьеит, сара иаартны ирасҳәеит  уаанӡагьы аӡбара адкылара шрыхәҭаз.  Зегь шьақәырҕәҕәоуп, зегь лабҿаба иубарҭоуп. Путин ҳаиҳабыра ҭабуп ҳәа реиҳәеит, уи алагьы зегь еилкаауп. Адипломатцәа рахь ааҧхьара ҟасҵоит, уажәраанӡагьы ирыдыркылараны иҟаз аӡбарақәа зыҧшра ҟамҵакәа ирыдыркыларц.  Ҳара, ажәлар аҳәара заҵәык ҳамоуп,  аҿыц алхрақәа рымҩаҧгара, ари аус аҿы иҳацхрааит, абри ауп ҳаззықәҧо“, – илҳәеит Зурабишвили.

Иара убас, Саломе Зурабишвили ишылҳәаз ала, иахьа Аконституциа аилагара аус аҿы акәаҧ иргылан.

„Иахьа аполитикатә партиақәагьы аасыҧхьеит. Сара аполитикатә партиақәа рахь ааҧхьара ҟасҵоит, уажәы ахатә хәаҧшырақәеи агәазыҳәарақәеи аҭахрақәеи рылацәажәара иаамҭам,  иахьа, абри апроблема аҿаҧхьа ма ҳаидгылароуп, ма ҳаидымгылароуп. Шәара шәеидгылар, саргьы сшәыдгылазаауеит. Шәеиқәшаҳаҭны аӡбарақәа шәыдышәкылароуп. Уи аҿагыларатә ҵысра ауп, сара аҵыхәанӡа ахадас сыҟазаауеит. Иахьазы сара ари атәылаҿ азакәантә институт заҵәы соуп. Сара заҵәы соуп ҳажәлар рыхьӡала адунеи аҿцәажәара зылшо, аҵыхәанӡа абра сҟалоит, аҵыхәанӡа сшәыдгылазаауеит“, – илҳәеит Зурабишвили.