Реџьеп Таип Ердоҕан  - Ақырҭуа ҳашьцәа ибзиаҵәҟьаны ирдыруеит зҭыҧ иқәҵам аимак изакәытә уадаҩрақәоу иахылҵуа, дара уи рхыргеит,  ари апроцесс иахьанӡагьы инагӡоит
Реџьеп Таип Ердоҕан  - Ақырҭуа ҳашьцәа ибзиаҵәҟьаны ирдыруеит зҭыҧ иқәҵам аимак изакәытә уадаҩрақәоу иахылҵуа, дара уи рхыргеит,  ари апроцесс иахьанӡагьы инагӡоит

Ҭырқәтәыла ахада Реџьеп Таип Ердоҕан Анталиа имҩаҧысуа Адипломатиатә форум аартраҿы данықәгылоз,  Қырҭтәыла – Урыстәылатәи аимакгьы дазааҭгылеит.

«Абри афорум иалахәы азербаиџьантәи,  ақырҭуеи,  аукраинатәи ҳашьцәа зҭыҧ иқәҵам аимакқәа ирхылҵыз ауадаҩрақәа рхыргеит. Ари апроцесс иахьанӡагьы инагӡоит. Ҳаргьы,  Аҩадатәи Кипр амшала,  абри аҩызаҵәҟьа аҭагылазаашьа ҳҭагылоуп», — иҳәеит Ердоҕан,  арегион аҿы аҭынчра аҵакы иазгәаҭаны.

Анталиа имҩаҧысуа Адипломатиатә форум далахәып Қырҭтәыла адәныҟатәи аусқәа рминистр Давиҭ Залкалиани.

Қырҭтәыла адәныҟатәи аусбарҭа анапхгаҩы ихы алаирхәоит аусура сессиа  «Аахыҵ Кавказ:  арегионалтә ҭынчреи аусеицуреи азы алшара ҿыцқәа». Ауснагӡатә аҿы иара  арегион аҿгьы Қырҭтәылагьы иҟоу апроблемақәеи алшарақәеи дрылацәажәоит.