«Уажәтәи аетапаз атәым тәыла атәылауаҩ  Қырҭтәылаҿ алхратә зин имам, убри аҟынтә, ақырҭуа политика дзалахәхәом», — иҳәеит Қырҭтәыла аиустициа аминистр Рати Брегаӡе.

Брегаӡе азҵаара ирҭеит Саакашвили  «Амилаҭтә ҵысра» аҟынтә атәыла аҧыза-министр иҭыҧаз кандидатс иқәыргылара алшара иазкны.

«Шәара абри акоментари акомедиатә программазы ишәҭаху ажәабжь ҿыцқәа рзы ишәҭаху? Атәым ҳәынҭқарра атәылауаҩ Қырҭтәыла аҧыза-министрс дҟалар ауама ҳәа шәсазҵаауазар, ари азҵаара аиумор аҵоуп.  Атәым ҳәынҭқарра атәылауаҩ ақырҭуа политика далахәызар ҟалом. Иара ақырҭуа атәылауаҩра имазароуп. Уажәазы атәымтәылауаҩ Қырҭтәылаҿ алхратә зин имам, убри аҟынтә, ақырҭуа политика дзалахәхәом», — иҳәеит Рати Брегаӡе.

Иара Михаил Саакашвили Қырҭтәыла атәылауаҩра изеиҭашьақәыргылара иазкыз азҵаарагьы аҭак аиҭеит.

«Атәыла ахада лоуп атәылауаҩра аиҭашьақәыргыларазы азин ҷыда змоу. Лара лоуп изыӡбаша атәылауаҩра иҭатәу имҭатәу.  Аха, атәыла анапхгаҩы, ар рҧыза хада ақырҭуа тәылауаҩра мап ацәкны даҽа ҳәынҭқаррак атәылауаҩра аниго, уи уамашәа иубаратәы иҟоуп, адунеитә политикаҿ абри аҩыза апрактика иҟам. Агәра ганы сыҟоуп аӡбара адкылара аамҭа анааилак атәыла ахада абри афакт ишазҧхьагәалҭо, ҳәарада, уи еиҧш  азҵаара цәырҵыр», — иҳәеит  Рати Брегаӡе.