««Қарҭ аҿиара афонд» Пиросмани имҩаҿ аҭоурыхтә хыбра аиҭашьақәыргылара иалагеит», — иҳәеит ақалақь ахада Каха Калаӡе Қарҭ амуниципалитет аиҳабыра реилатәараҿы.

Иара иажәақәа рыла, ари ахыбра аҭоурыхтә баҟоуп, убри аҟынтә, аорнаментқәа зегьы ихьчазаауеит.

«Қарҭ аҿиара афонд» Чуҕуреҭи араионаҿ, Пиросмани имҩаҿ иҟоу аҭоурыхтә хыбра аиҭашьақәыргылара иалагеит, уаҟа ақырҭуа асахьаҭыхҩы Нико Пиросмани имузеи иҟоуп.   XIX ашәышықәсазы иргылаз ахыбра афасад аҧшра иахьанӡагьы ихьчаны иҟан.

Апроект аҳәаақәа ирҭагӡаны, ахыбра ауасхыри аҭӡамцқәеи дырҕәҕәоит, афасадқәа реиҭашьақәыргылараан ахыбра аҧшра ихьчазаауеит. Адеталь цыҧхьаӡа хшыҩзышьҭра ҷыда амазаауеит, аорнаментқәа зегьы ихьчазаауеит. Иара убас, аӡылеиқәыршәаратәи аканализациатәи системақәеи афымцамҩангагақәеи дырҿыцуеит. Аиҭашьақәыргыларатә усурақәа рышьҭахь 53 абенефицарцәа рнхарҭатә ҭагылазаашьа еиҕьхоит, иеиҭамҵуа рмал ахә шьҭыҵуеит. Арҭ аҭаацәарақәа ргәырҕьара агәахәара ду сызцәырнагоит », — иҳәеит Қарҭ ахада.

Иара иажәақәа рыла, аиҭашьақәыргыларатә усурақәа  18 мза рыла инагӡахоит.