Қырҭтәыла аекономикеи иҭышәынәталоу аҿиареи рзы аминистр Мариам Қвривишвили Қырҭтәыла иҟоу Британиа ду ацҳаражәҳәаҩ  Гарет Уорд диҧылеит.

Аекономика аминистрра адыррақәа рыла, аиҧылараҿы аминистр,  ахәаахәҭреи,  атранспорти,  алогистикеи,  афинанстә сектори,  атуризми,  атәылауаҩратә авиациеи аусхкқәа рҿы ҩ-ганктәи аусеицураҿы иҟоу адинамика бзиа дазааҭгылеит.

«Аиҧылараҿы ҩ-тәылак рекономикатә еизыҟазаашьақәа рҿы иҟоу атенденциақәа ирылацәажәеит.  2024 шықәсазы Қырҭтәылеи Британиа Дуи рыбжьара атауареикәшара  170 миллион адоллар иаҟаран,  уи цыҧхтәи арбага аасҭа  7 наӡынак рыла еиҳауп. Аекспорт арбагагьы иазҳаит  —  2024 шықәсазы аҭыҧантәи аалыҵ Британиаҟа аекспорт азҳаит  43 наӡынала.

Иара убас,  аиҧылараҿы ишазгәаҭаз ала,   2024 шықәсазы Британиа Ду Қырҭтәыла аекономика иаланаҵеит  448 миллион адоллар аинвестициа.

Аминистр иаҵшьны иазгәалҭеит аустә гәыҧқәа рыбжьара аусеицура арлахҿыцра ахымҧадара. Лара лажәақәа рыла,  атәылақәа реиҳабырақәа хазхаҭалатәи асектор ала азеиҧш проектқәа  рынагӡара иацхраароуп.

Мариам Қвривишвили ҷыдала иазгәалҭеит Қырҭтәылеи Британиа Дуи рыбжьара ишиашо ареисқәа ралагара аҵакы. Лара ишылҳәаз ала,   авиаеилахәырақәа  British Airways-и easyJet-и ақырҭуа џьармыкьаҿы аусура ралагара атәылақәа рекономикатә усеицура астимул ду анаҭеит. Қвривишвили лажәақәа рыла,   2025 шықәса 2 кварталк рзы Британиа Ду аҟынтә Қырҭтәыла иаҭааит  26 наӡынала еиҳаны аҭааҩцәа», — иануп Аекономика аминистрра аинформациаҿы.