Қырҭтәыла адәныҟатәи аусқәа рминистр Мака Боҷоришвили Қырҭтәыла иҟоу Австриатәи ареспублика ацҳаражәҳәаҩ Роберт Гершнер диҧылеит.
Адәныҟатәи аусқәа рминистрра адыррала, аиҧылараҿы ҩ-ганктәи аизыҟазаашьақәа ирызку азҵаарақәа ирылацәажәеит, ари аганахьала иаҵшьны иазгәаҭан атәылақәа реиҩызаратәи рпартниортәи еизыҟазаашьақәа. Аганқәа рхаҭарнакцәа ҷыдала иазгәарҭеит ҩ-тәылак рыбжьара аполиткиатә диалог арҕәҕәара аҵакы.
Иара убас, аиҧылараҿы, Қырҭтәылеи Евроеидгылеи реизыҟазаашьақәа ирзааҭгылеит.
Қырҭтәыла адәныҟатәи аусқәа рминистр иаҵшьны иазгәалҭеит евроинтеграциа апроцессаҿ Австриатәи ареспублика аҟынтә адгылара Қырҭтәылазы аҵакы ду шамоу.
Ақырҭуа министр австриатәи аган ҭабуп ҳәа ралҳәеит Қырҭтәыла ахьыҧшымреи аҵакырадгьылтә акзаареи адгыларазы.
Аганқәа рхаҭарнакцәа ишырҳәаз ала, актуалтә усхәаҧштәи ҩ-ганктәи аусеицура арҭбаареи азҵаарақәа рзы аусеицура иазыхиоуп.