Қырҭтәыла адәныҟатәи аусқәа рминистр Мака Боҷоришвили адипломатцәа Ақырҭуа дипломатиа амш рыдылныҳәалеит.

Боҷоришвили асоциалтә аҳаҿы ишылҩыз ала, атәыла аинтересқәеи апринципқәеи рыхьчара аус аҿы адипломатцәа хәы змам азгәыкреи апрофессионализми аадырҧшуеит.

„Акыр иаҧсоу адипломатцәа, ишәыдысныҳәалоит шәзанааҭтә амш. Атәыла аинтересқәеи апринципқәеи рыхьчара аус аҿы адипломатцәа хәы змам азгәыкреи апрофессионализми аашәырҧшуеит. Иахьа, аглобалтә шәарҭадара асистема аҭагылазаашьа аныцәгьоу, Қырҭтәыла аҿаҧхьа иқәгылоу апроблемақәа иаҳа иубарҭахеит, урҭ рыӡбара ҟалоит хшыҩкралеи гәҽанызаареи мацарала! Адезинфомациа иаҭакны, адунеи зехьынџьара Қырҭтәыла абжьы раҳароуп  — аҭынчреи аҧеиҧш бзиа ақәгәыҕреи абжьы.

Ишәыдысныҳәалоит шәзанааҭтә амш, гәыкала шәус ахьынашәыгӡо азыҳәан ҭабуп ҳәа шәасҳәоит. Жәларбжьаратәи аҩаӡараҟны аҧсадгьыл асуверентә интересқәа згәыдурала рыхьчараҿы аҕәҕәареи ақәҿиарақәеи шәзеиҕьасшьоит“, – илҩит Мака Боҷоришвили.