Биӡина Иванишвили иганахьала ашантаж абжьааҧнытә аполитикатә ҭаххароуп, аӡбара уи нанагӡоит иформалым анапхгаҩцәа рыдҵала, – иҳәеит Қарҭ ахада  „Ақырҭуа гәахәтәы“ ашьаҭакҩы Биӡина Иванишвили иус азы Лондонтәи аӡбараҿы имҩаҧысуа апроцесс даналацәажәоз.

Каха Калаӡе иҳәамҭала, ҧаса ишыҟалаз еиҧшҵәҟьа, Биӡина Иванишвили ари апроцесс аҿгьы аиааира игоит, аха, азыӡбанагӡара ҟамлар ауеит.

„Биӡина Иванишвили иганахьала ашантаж инагӡоит. Абри зегьы атәыла аинтересқәа рыҧсахроуп хықәкыс иамоу, аха, иара апринциптә позициа имоуп, избанзар, ари аус ҳтәылеи уи аҧеиҧши иадҳәалоуп. Убри аҟынтә, ҳгәыҧ абри апринцип иақәныҟәоит. Ҳара  ашьаҿақәа зегьы ҟаҳҵоит  раҧхьа иргыланы, Қырҭтәылеи ҳуааҧсыреи ринтересқәа иазҧхьагәаҭаны.

Иахьа зегьы ибзиаӡаны ирбоит Биӡина Иванишвили иганахьала ашантаж шыҟоу.  Биӡина Иванишвили еиуеиҧшым аинстанциақәа рҿы имҩаҧысуаз апроцессқәа рҿы аиааира игеит. Аха, аҧара издмырхынҳәит. Уажәтәи апроцессаҿгьы абасҵәҟьа иҟалар ҟалап  – Биӡина Иванишвили ари апроцессаҿгьы аиааира игоит, аха, азыӡбанагӡара ҟамлар ауеит. Уи иформалым анапхгара рыдҵала инарыгӡо абжьааҧнытә аполитикатә ҭаххароуп. Изакәытә процессқәоу имҩаҧысуа ҳдыруеит  – адунеи зегьы анапхгара азызуа иформалым анапхгаҩцәа иҟоуп“, – иҳәеит Каха Калаӡе.