«Атәыла аиҳабыра анеҩстәи ашықәсқәа рзы ҳара имҩаҧаагараны иҟоу апроектқәа зегьы   ирықәшаҳаҭуп, аиҳабыра рыцхыраарада арҭ аусурақәа ҳзынагӡом», — иҳәеит Қарҭ ахада Каха Калаӡе аинфраструктура аҿиара аполитика аӡыргараҿы.

Каха Калаӡе иҳәамҭала, амуниципалитет иаҭаху зегьы иҟанаҵоит Қарҭ аҭыҧантәи ауааҧсыра рзгьы атуристцәа рзгьы иаҳа иманшәаланы иҟаларцаз.

«Аинфраструктура ахырҭарҭа мацарала шаҟа ҟаҵатәу жәбоит. Зҵакы дуу апроектқәа нагӡатәуп. Агәра ганы сыҟоуп убри ашьҭахь ҳқалақь иаҳа ишыҧшӡахо, иаҳа ишыманшәалахо.  Ажәа шәысҭоит  Қарҭ аҭыҧантәи ауааҧсыра рзгьы атуристцәа рзгьы иаҳа иманшәаланы иҟаларцаз иаҭаху зегьы шыҟаҳҵо. Ҳәарада, амуниципалитет амацара уи залшом. Аҧыза-министр Иракли Кобахиӡе иаҳзааирҧшуа адгыларазы ҭабуп ҳәа иасҳәар сҭахуп.  Атәыла аиҳабыра анеҩстәи ашықәсқәа рзы ҳара имҩаҧаагараны иҟоу апроектқәа зегьы   ирықәшаҳаҭуп, аиҳабыра рыцхыраарада арҭ аусурақәа ҳзынагӡом. Иара убас, афинансқәа рминистррагьы, инеизакны атәыла анапхгарагьы ҭабуп ҳәа расҳәоит», — иҳәеит аҳҭнықалақь ахада.