Қырҭтәыла аҧыза-министр Иракли Кобахиӡе Сербиатәи ареспублика аҧыза-министр Дуро Мацут диҧылеит.  

Аиҧылараҿы иаҵшьны иазгәаҭан еиуеиҧшым аусхкқәа рҿы атәылақәа русеицура арҭбаара аганахьала иҟоу апотенциал ду. Аганқәа рхаҭарнакцәа Қырҭтәыла Сербиа ацҳаражәҳәарҭа аартреи ишиашо авиареисқәа рышьақәыргылареи ибзианы иахцәажәан, ишырҳәаз ала, уи ахәаахәҭра-економикатә еизыҟазаашьақәеи, ажәларқәа рыбжьара аимадареи, иара убас, атуристтәи  акультуратәи еизыҟазаашьақәеи рырҕәҕәара иацхраауеит. 

Иаҵшьны иазгәаҭан ахәаахәҭра-економикатә усеицура иазку Қырҭтәыла-Сербиатәи акомиссиа аформат асектортә еизыҟазаашьақәа рырҭбааразы иамоу аҵакы. Иара убас, ҷыдала иазгәаҭан ҩ-тәылак рыбжьара Зхы иақәиҭу ахәаахәҭра наӡа иазку аиқәшаҳаҭра адкыларазы аиҿцәажәарақәа ралагаразы ирыдыркылаз аӡбара аҵакы. 

Қырҭтәылеи Сербиеи рҧыза-министрцәа еиҧылеит Дубаи имҩаҧысуа Адунеитә еиҳабырақәа рсаммит аҳәаақәа ирҭагӡаны.