«Иахьа ҳара даҽа симулиациак ҳбеит, ишубарҭоу ала,  асимулиациазгьы агәырҵҟәыл умазароуп. Иахьа даараӡа ибаҩхатәрадоу асимулиациа ҳбеит», — иҳәеит  «Ақырҭуа гәахәтәы» ахантәаҩы Иракли Кобахиӡе иахьатәи аӡбаратә процесс аҿы Михаил Саакашвили анахарала илахәызаара даналацәажәоз.

Кобахиӡе иҳәамҭала,  дара Михаил Саакашвили игәабзиара иазку диагнозкгьы рызцәырымгеит, убри аҟынтә, Саакашвили, жәаҳәарада, асимулиациа даҿуп.

«Саакашвили игхеит, избанзар, адиета изышьақәдыргылеит. Иара ицар азы аоперациа изыҟарҵеит,  уи амшалагьы акапан ицәыӡит. Убри мацароуп иаабаз.

Егьирахь, игәабзиара аҭагылазаашьа шьақәырҕәҕәазароуп адиагноз ала, аха, Саакашвили идгылаҩцәа диагнозкгьы рызцәырымгеит.   Абри зегьы даҽазнык ишьақәнарҕәҕәоит  иара асимулиациа дшаҿу. Иахьа ҳара даҽа симулиациак ҳбеит, ишубарҭоу ала,  асимулиациазгьы агәырҵҟәыл умазароуп. Иахьа даараӡа ибаҩхатәрадоу асимулиациа ҳбеит», – иҳәеит  Кобахиӡе.