«Иахьатәи аиҧылараан ҳара, ҩ-ганктәи аизыҟазаашьақәа ирыҵанакәа азҵаарақәеи, иара убас, Аахыҵ Кавказ арегион аҧеиҧши ҳрылацәажәеит», — иҳәеит Қырҭтәыла аҧыза-министр Иракли Кобахиӡе иареи Азербаиџьан ахада Ильҳам Алиеви еицымҩаҧыргаз абрифинг аҿы.

Аиҳабыра ранапхгаҩы Азербаиџьани Шәамахьтәылеи рыбжьара имҩаҧысуа аҭынчратә процесс дазааҭгылеит.

«Ҳара Азербаиџьани Шәамахьтәылеи рыбжьара имҩаҧысуа аҭынчратә процесс ҳазыразуп. Қырҭтәыла ҭынч аицынхареи, аконструктивтә усеицуреи, арегионаҿ аинициатива ҿыцқәеи  ҕәҕәала ирыдгылоит.  Иаҭаххар, ҳара еснагь арҭ аизыҟазаашьақәа рҿы алагала аҟаҵара  ҳазыхиоуп. Ҳара адиалоги аҭынчратә процесси ацхраара ҳазыхиоуп.

Аахыҵ Кавказаҿ ҳтәылақәа русеицура абзоурала арегиона зегьы аперспектива ҿыцқәа аиуеит. Аглобалтә аиҭакрақәа шымҩаҧысуа аабоит, убри аҟынтә,  «Абжьаратә корридо» иаҳа-иаҳа аҵакы аиуеит.

Ҳтәылақәа, Азиеи Европеи еидызҳәало ацҳақәа раҳасабала, аимадара аиқәыршәараҿы ахадаратә роль нарыгӡоит, убри аҟынтә, ҳара атранспорттәи алогистикатәи инфраструктура аҿиара азҵаара аҵакы ҷыда анаҳшьоит.

Қырҭтәылеи Азербаиџьани изныкымкәа ишьақәҳарҕәҕәахьеит игәрагоу апартниорцәа шҳакәу, жәларбжьаратәи аенергетикатәи атранспорттәи проектқәа рҿгьы», — иҳәеит аҧыза-министр.