Қырҭтәыла аҧыза-министр Иракли Кобахиӡе Шәамахьтәылатәи ареспублика аҧыза-министр Никол Ҧашиниан диҧылеит. Ишиашо аформатаҿ имҩаҧгаз аиҧылараҿы иаҵшьны иазгәаҭан ҩ-тәылак рстратегиатә партниорра аҵакы, иара убас, аганқәа рхаҭарнакцәа, Аекономикатә усеицура аиҳабырабжьаратә комиссиа 14-тәи аилатәараҿы изхәаҧшраны иҟоу азҵаарақәа ирылацәажәеит.  

Хшыҩзышьҭра рызун арегионаҿ аҭагылазаашьеи аҭынчратә процесс амҩаҧгашьеи. Иракли Кобахиӡе даҽазнык ишьақәирҕәҕәеит Қырҭтәыла аиҳабыра адиалог ацхраареи арегионаҿ аҭышәынтәалареи аҭынчреи аиқәыршәара апроцессаҿ алагала аҟаҵареи ишазихиоу. Ишазгәаҭаз ала, уи атәылақәа рҿиаразы зда ҧсыхәа иҟам ҭагылазаашьоуп.  

Иара убас, аганқәа рхаҭарнакцәа иаҵшьны иазгәарҭеит еиуеиҧшым аформатқәа рҿы ҩ-тәылак рыбжьара иҟоу, зыҩаӡара ҳараку адиалоги еиуеиҧшым аусхкқәа рҿы аусеицура ҕәҕәеи, абри зегьы ҩ-ганктәи еизыҟазаашьақәа иаҳа рырҭбаара иацхраауеит.  

Аиҧылараҿы ишазгәаҭаз ала, Аиҳабырабжьаратә економикатә комиссиа анеҩстәи аилатәара ҩ-тәылак рыбжьара ахәаахәҭра-економикатә аимадарақәа иаҳа рырҭбаареи ари аганахьала иҟоу апотенциал инагӡаны ахархәареи иацхраауеит.  

Аҧыза-министр Иракли Кобахиӡе Шәамахьтәыла аҧыза-министр аофициалтә визитла Қырҭтәылаҟа дааиҧхьеит.