«Мшаҧы 9  — атәым мчқәа ҳуааҧсыра ирҿагыланы амч рхы ианадырхәа мшуп», — иануп Қырҭтәыла аҧыза-министр Иракли Кобахиӡе иҳәамҭаҿы.

Аиҳабыра рнапхгаҩы иажәақәа рыла, аамҭакала, мшаҧы  9   — Қырҭтәыла зегьы еидызкылаз мшуп, усҟан ақырҭуаа рыбжьара абзиабара аиааира агеит.

«Мшаҧы 9  — ахақәиҭра аидеиа аиааира мшуп. Убри аҟынтә, иахьа, зеиҧшҟамлац ала иарбанзаалак амчылара ҳҽацәыхьчароуп.

Мшаҧы 9 рзы иҟалаз арыцҳара ашьҭахь 36 шықәса анҵы, иахьа атәым мчқәа еиҭах Русҭавели имҩадуаҿ амчылара нарыгӡоит. Атәым мчы ақырҭуаа рыбжьара ацәымҕра аланарҵәоит, ахақәиҭра аидеиа иаҿагылоит. Аха, мшаҧы  9 рзы иҳауз аҧышәа иҳнарбеит „атәым мчы наӡаӡа ишыҟамло“, абзиабареи ахақәиҭреи хымҧада аиааира ргоит. Ҳара ацәымҕра ҳақәныҟәом, атәым мчқәа еиҿыркаауа апровокациақәа рҟынтә ҳтәыла ҳахьчоит. Ҳгәы ишаанаго ала, мшаҧы  9 рзы иҭахаз ауаа рыҧсы абри ауп иаҭаху. Иахьа арҭ ауаа ҳаҭырла иҳгәалаҳаршәоит. Қырҭтәылаҿ ацәымҕреи атәреи акәымкәа, абзиабареи ахақәиҭреи хымҧада аиааира агоит», — иануп аҧыза-министр иҳәамҭаҿы.