«Дара апровокациақәа ирылацәажәоит, уи еиҳангьы,  ауаа иҭахар рҭахуп,  аха,  ҳәарада,  арадикалтә оппозициаа рпланқәа нагӡахом. Лаҵара  26 амилаҭтә ныҳәоуп,  уи ишахәҭоу еиҧш имҩаҧгахоит», — иҳәеит Қырҭтәыла аҧыза-министр Иракли Кобахиӡе.

Иара иажәақәа рыла, аиҳабыра,  арадикалтә оппозициаа апровокациақәа реиҿкаара азин рырҭом. Иара убас,  аҧыза-министр ишазгәеиҭаз ала,  уи азыҳәан аелементартә ресурсқәагьы иҟам.

«Дара апровокациақәа ирылацәажәоит, уи еиҳангьы,  ауаа иҭахар рҭахуп,  аха,  ҳәарада,  арадикалтә оппозициаа рпланқәа нагӡахом. Уи азыҳәан аелементартә ресурсқәа рымам.  Аоппозициаа рыҧшәмацәа аус ахьынӡанаргаз жәбоит. Есымша Русҭавели имҩаду аҿы  150ҩык   раҟара еизоит, ажәлар ибзиаӡаны ирбоит аоппозициа шыҧсыҽу.  Абри аҩазы аҭагылазаашьаҿы арадикалтә оппозициаа иарбанзаалак провокациак аиҿкааразы аресурсқәа рымам. Убри аҟынтә, лаҵара  26 ишахәҭоу еиҧш имҩаҧгахоит. Уи азеиҧш жәлартә ныҳәоуп, Ахьыҧшымра мшуп. Ҳара арадикалтә оппозициаа иарбанзаалак акрызҵазкәа провокациак аиҿкаара азин раҳҭом, ари амш азеиҧш амилаҭтә ныҳәа ишақәнагоу еиҧш имҩаҧгахоит», — иҳәеит  Иракли Кобахиӡе.