«Ахаланапхгаратә алхрақәа ҭынч имҩаҧысуеит ҳәа ҳгәы иаанагоит. Исериозым ҳәамҭақәак шыҟаҵоугьы, жьҭаара  4 ҭынч имҩаҧысып, атәыла иҭышәынтәалоу аҿиара нагӡахап ҳәа ҳгәыҕуеит», — иҳәеит Қырҭтәыла аҧыза-министр Иракли Кобахиӡе Қырҭтәыла Абизнес ассоциациа аконфренциаҿы данықәгылоз.

Аиҳабыра рнапхгаҩы иҳәамҭала, аиҳабыра абизнес азы иҭышәынтәалоу аполитикатәи аекономикатәи лагылазаара аиқәыршәаразы иаҭаху зегьы ҟарҵоит.

«Иахьа атәылаҿы ҭынчроуп. Аҭыҧантәи ахаланапхгаратә алхрақәа ааигәахоит. Ахаланапхгаратә алхрақәа ҭынч имҩаҧысуеит ҳәа ҳгәы иаанагоит. Исериозым ҳәамҭақәак шыҟаҵоугьы, жьҭаара  4 ҭынч имҩаҧысып, атәыла иҭышәынтәалоу аҿиара нагӡахап ҳәа ҳгәыҕуеит.  Ҳәарада, аиҳабыра рзгьы абизнес азгьы аҭынчреи аполитикатә ҭышәынтәалареи ахадаратә ҵакы рымоуп. Ҳара уи азы аҭак ҳаҧхықәуп, абизнес аҟаҵаразы иҭышәынтәалоу аполитикатәи аекономикатәи лагылазаара аҧҵаразы иаҭаху зегьы ҟаҳҵоит.

Шәара рҟны аконсультациақәеи аус шәыцуреи ҳара ҳзы аҵакы ду амоуп. Иахьатәи амш уи азы алшара бзиа ҳнаҭоит, ҳара наҟ-наҟгьы аусеицура ҳазыхиоуп, аконсультациақәа мҩаҧаагоит, шәыбжьагарақәа иазҧхьагәаҳҭоит. Даҽазнык ишьақәсырҕәҕәоит аусеицура ҳшазыхиоу», — иҳәеит аҧыза-министр.