Қырҭтәыла аҧыза-министр Иракли Кобахиӡе Иеиду Араҧтәи Емиратқәа рҿы ивизит хыркәшоуп.

Аду-Даби жәларбжьаратәи аҳаибаҕәазаҿ аиҳабыра рнапхгаҩы днаскьеигеит Иеиду Араҧтәи Емиратқәа рҳәынҭқарратә министр Аҳмед Аль Саие.

Авизит аҳәаақәа ирҭагӡаны, аиҳабыра рнапхгаҩы, Иеиду Араҧтәи Емиратқәа ахада, ашеих Моҳамед бин Заиед Аль Наҳиан диҧылеит. Аиҧылара ашьҭахь, Иеиду Араҧтәи Емиратқәа ахада ирезиденциаҿы аганқәа рхаҭарнакцәа ирыбжьарҵаз аиқәшаҳаҭра инақәыршәаны, Қырҭтәыла аҭоурыхаҿ раҧхьаӡа акәны, ишиашо атәым инвестициа аҳасабала атәыла иалаҵоуп 6 миллиардк адоллар. Идуӡӡоу аинвестициатә адевелопертә еилахәыра Emaar Properties/Eagle Hills Қарҭи Гониои аинвестициатә проектқәа нанагӡоит.

Авизит аҳәаақәа ирҭагӡаны, аиҳабыра рнапхгаҩы, Иеиду Араҧтәи Емиратқәа атолерантра аминистр, ашеих Наҳиан бин Мубарақ Аль Наҳиани, иара убас, Аду-Даби аҳәынҭқарратә инвестициатә еилахәыреи уи алогистикатә хырхарҭеи – Абу-Даби абаҕәазақәа ргәыҧи рхаҭарнакцәа дырҧылеит, ари агәыҧ Абжьаратә корридор аҿиара апроцесс активла иалахәып, Қарҭтәи ибоу абаҕәаза апроект нанагӡоит.

„Ари авизит аҵакы ду аман, избанзар, Иеиду Араҧтәи Емиратқәа – апрогресси, аекономикатә аҿиареи аганахьала иҿырҧшыгоу тәылоуп, ари атәылаҟны аусеицура Қырҭтәыла хырҳагара ду азаанагар ауеит. Иҳаракӡоу аҩаӡараҟны аиҧыларақәа мҩаҧган, атәыла ахадеи аиҳабыреи ҳарҧылеит. Зҵакы дуӡӡоу аинвестициатә аиқәшаҳаҭра ҳнапы аҵааҩит, уи ала иазҧхьагәаҭоуп Қырҭтәылаҿ 6 миллиардк адоллар аинвестициа мҩаҧгахоит. Қарҭгьы Гониогьы амультифункциатә инфраструктуратә қәыҧшылара еиҿкаахоит. „Емаар гәыҧ“ – адунеи еицырдыруа еилахәыроуп, аҧышәа дуи аресурс дуқәеи амоуп, ари аиқәшаҳаҭра адкылара ҳара ҳзы ҳаҭыр дууп. Хара имгакәа ари апроект анагӡара ҳалагоит. Уи ҳтәыла аекономикеи, Қарҭи, Аҷареи рҿиареи аусуратә ҭыҧ ҿыцқәа раҧҵареи иацхраауеит. Ари апроект аганқәа зегьы рыла аҵакы ду амоуп“, – иҳәеит Иракли Кобахиӡе.